ФУТБОЛДАН ӘЛЕМ ЧЕМПИОНАТЫ-2022

Қазақстанда пойызбен жүретін жолаушылар саны 33 пайызға артты

2022 жылғы 4 қазан, 10:46
Қазақстанда пойызбен жүретін жолаушылар саны 33 пайызға артты

АСТАНА. ҚазАқпарат – Биыл 8 айда теміржол көлігі кәсіпорындарының кірісі 851 млрд теңгеге жетті, деп хабарлайды ҚазАқпарат тілшісі.

«Биылғы қаңтар-тамызда теміржолмен тасымалдайтын компаниялардың кірісі 851 млрд теңгеге жеткен. Бір жыл бұрын бұл көрсеткіш 739,6 млрд теңгені құраған еді. Кірістің басым бөлігі, яғни 786,4 млрд теңге дәстүрлі түрде жүк тасымалы есебінен қамтамасыз етілді. Қалған 64,6 млрд теңгесі жолаушы тасымалына тиесілі», - делінген Energyprom.kz мәліметінде.

Осы жылдың 8 айында теміржол көлігімен 273 млн тонна жүк тасымалданды.

Жүктің көп бөлігі Ақтөбе, Ақмола облыстарында және Астанада жеткізілген. Ел бойынша жүк айналымы 5,4 пайызға өскен.

Атап айтқанда, теміржол көлігімен 13,1 млн адам тасымалданып, бір жыл бұрынғы көрсеткішке қарағанда 32,6 пайызға артық болды. Өңірлер бойынша жолаушылар көбіне елордада, Ақтөбе мен Қызылорда облыстарында сапарлаған.


Теги:
Ұқсас жаңалықтар
Серіктестер жаңалықтары

Jańalyqtar