USD 434.48 EUR 492.61
RUB 5.68 CNY 68.44
Jańalyqtar

Қазақстанда өрт көбіне неден шығады

2021 жылғы 29 қараша 21:23
Бөлісіңіз:
Қазақстанда өрт көбіне неден шығады

НҰР-СҰЛТАН. ҚазАқпарат – Елімізде болатын өрт жағдайының негізгі себептері аталды, деп хабарлайды ҚазАқпарат тілшісі.

Ұқсас жаңалықтар
Оралда қос қабатты сауна өртенді Павлодарда екі қабатты дәмхана өртенді Өскеменде өрт шыққан көпқабатты үйден 18 адам эвакуацияланды

«Өткен жылдың осы кезеңімен салыстырғанда елімізде өрт жағдайы 16,5% -ға азайған. Оның ішінде өрт салдарынан қаза табу жағдайы 22% -ға, ал, жарақат алу 27% -ға төмендегені байқалады. Енді талдау нәтижесіне келсек, елімізде өрт салдарынан қаза тапқандардың 34,7%-ы мас күйінде болған, 28,2% жағдайда адамдар ұйықтап білмей қалған. Және 4,3%-ы өрт кезінде адамдар сасқалақтап, дүрбелеңге бой алдыру себеп болып отыр. Яғни не істеу керектігін білмей қалады. Және 2% жағдайда - мобильділіктің болмауы себеп», - деді ҚР Төтенше жағдайлар министрлігі өртке қарсы қызмет комитетінің төрағасы Нұрболат Дербісов ОКҚ-де өткен баспасөз мәслихатында.

Оның айтуынша, бүгінде өрттен қаза болудың 14 фактісі бойынша сот-медициналық сараптама қорытындысы әзірге алынған жоқ.

Одан бөлек, ТЖМ өкілі өрт шығудың негізгі себептеріне тоқталып өтті.

«39,1% - адамдардың отты абайсыз пайдалануы, 26% - мас күйінде шылым тартып, оның қалдығын тастай салу, 10% - электр құралдарын қолдану қауіпсіздігін сақтамау, 6,5% - пеш жағу ережесін дұрыс орындамау, 4,3% - түрлі жарылыстың салдарынан өрт туындайды. Сонымен қатар 2% қасақана өртеу. Және қазіргі уақытта 5 өрт фактісі бойынша себебі анықталу үстінде», - дейді ол.

Бұған дейін Нұрболат Дербісов биыл елімізде жылыту маусымы басталғалы улы газ датчигі дер кезінде дабыл қағып 29 адамның өмірін сақтап қалғанын айтты.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT