+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Қазақстанда өндірілген тауарларды 120-дан астам ел тұтынып отыр

2019 жылғы 10 желтоқсан 16:30
Бөлісіңіз:
Қазақстанда өндірілген тауарларды 120-дан астам ел тұтынып отыр

НҰР-СҰЛТАН. ҚазАқпарат - Қазақстанда өндірілген тауарларды әлемнің 120-дан астам елі тұтынады, деп хабарлайды ҚазАқпарат Индустрия және инфрақұрылымдық даму министрлігінің баспасөз қызметіне сілтеме жасап.

Ұқсас жаңалықтар
Қазақстаннан шығарылған аккумуляторлар 9 елге экспортталуда Елімізде сатылған әрбір екінші автомобиль Қазақстанда құрастырылған - Тоқаев Еліміздегі үздік киім дизайнерлері марапатталды

Осыдан 10 жыл бұрын елімізде индустриялық-инновациялық дамудың алғашқы мемлекеттік бағдарламасы қабылданды. Ол алғашында әлемдік экономикадағы дағдарысқа қарсы шара ретінде басталып, еліміздің өңдеу өнеркәсібін дәйекті түрде дамытудың тиімді құралына айналды.

«Содан бергі 10 жыл ішінде отандық өнеркәсіп саласында елеулі жетістіктерге қол жеткізілді. Атап айтқанда, индустриялық-инновациялық дамытудың бағдарламалары аясында 1250 жоба іске қосылды. 195 мыңдай жұмыс орны ашылды, оның ішінде 120 мың тұрақты, 75 мың уақытша жұмыс орны. Қазақстанда бұған дейін өндірілмеген 500-ден астам өнім түрі шығарыла бастады. Өңдеу секторының өнеркәсіп құрылымындағы үлесі 2009 жылы - 32% болса, 2018 жылы - 38% жетті, ал инвестициядағы үлесі 17%-тен 19%-ке артты. Өндіріс көлемі нақты көрсеткіште 42,3% артты. Өсімге ең үлкен үлес қосқан салалар: металлургия өнеркәсібі (42%), азық-түлік өндірісі (13,7%), машина жасау (10,7%) және құрылыс материалдары өндірісі (10%)» делінген хабарламада.

Осы кезеңде отандық экономикаға 32 млрд АҚШ долларынан астам тікелей шетел инвестициясы тартылды.

Өңдеу өнеркәсібінің құрылымы өзгерді: автомобиль өнеркәсібі, ірі темір жол машинасын жасау, мұнай-газ саласына машина жасау, күрделі тыңайтқыштар өндірісі сияқты жаңа бағыттар қосылды.

«Титан құймасы мен қорытпасын өндіретін зауыт ашылған соң бұған дейін Қазақстанда өндірілмеген өнім – титан құймасы мен қорытпалар өндірісі жолға қойылды. Қазақстан титанының әлемдік нарықтағы үлесі 11%, әуе-ғарыш саласында 17%-ке жетті. Машина жасау саласындағы өнеркәсіп көлемі 3,8 есе ұлғайды. 11 фармацевтикалық кәсіпорынның 20 өндірістік алаңында GMP халықаралық стандарттары енгізілді» деп мәлім етті министрліктен.

Құрылыс материалдары өндірісі саласы көптеген өнім түрлері бойынша импортқа тәуелділіктен құтылды. Индустрияландыру жылдары шикізаттық емес 70 тауар түрі бойынша өндіріс көлемі ұлғайып, экспорт жолға қойылды.

Бүгінгі таңда Қазақстанда өндірілген тауарларды әлемнің 120-дан астам елінде тұтынады.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT