+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Қазақстанда өлім-жітім көрсеткіші 7,5 пайызға төмендеген – зерттеу

2020 жылғы 12 маусым 11:41
Бөлісіңіз:
Қазақстанда өлім-жітім көрсеткіші 7,5 пайызға төмендеген – зерттеу

НҰР-СҰЛТАН. ҚазАқпарат – Қазақстанда өлім-жітім жағдайы бір жылда 7,5 пайызға азайды, деп хабарлайды ҚазАқпарат тілшісі ranking.kz ақпарат көзіне сілтеме жасап.

Ranking.kz зерттеуіне сенсек, осы жылдың бірінші тоқсанында Қазақстанда 31,2 мың адам көз жұмған. Бұл – бір жыл бұрынғы көрсеткіштен 7,5 пайызға төмен. Осы адамның ішіндегі 61,4 пайызы (19,2 мың) - қала халқы болса, 38,6 пайызы (12 мың) - ауыл тұрғындары.

«Гендерлік айырмашылық жағынан көз жұмған ер адамдардың саны әйелдердің санынан артық. Нақтырақ айтқанда, осы жылдың үш айында 14,4 мың әйел, 16,8 мың еркек о дүниелік болған. Аймақтарды салыстырар болсақ, өлім-жітімнің көп жағдайы Шығыс Қазақстанда (3,3 мың адам – 2019 жылдың алғашқы үш айында 3,7 мың адам болған) тіркелген. Одан кейінгі тізімде Алматы облысы (3,2 мың адам - 2019 жылдың алғашқы үш айында 3,5 мың адам болған) мен Қарағанды облысы (3,1 мың адам - 2019 жылдың алғашқы үш айында 3,5 мың адам болған) тұр», - делінген зерттеу қорытындысында.

Жалпы өлім-жітім жағдайы 17 аймақтың 13-де байқалады. 4 өңірде ғана, атап айтқанда БҚО (+3,4%), Шымкентте (+2%), Маңғыстау облысында (+1,3%) және елордада (+0,2%) аздаған өсім бар.

«Елдегі өлім-жітім жағдайының төрттен бір бөлігі немесе 23,7% (7,4 мыңы) қан айналымы жүйесіндегі ауруларға тиесілі. Оның ішінде 166 өлім гипертониялық аурудан, 2,5 мың жағдай жүректің ишемиялық ауруынан, 2,7 мыңы мидың тамырлы зақымдануынан келеді. Ал оқыс оқиғалар мен уланудан, жарақаттардан 2,4 мың өлім жағдайы тіркелген», - делінген зерттеуде.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT