22:53, 13 Маусым 2019 | GMT +6
Қазақстанда негізгі капиталға салынған инвестициялар 7,8% өсті
НҰР-СҰЛТАН. ҚазАқпарат - Қазақстанда негізгі капиталға салынған инвестициялардың көлемі 2019 жылдың қаңтар-мамыр айларында 3 879,3 млрд. теңгені құрады.
Бұл 2018 жылдың ұқсас кезеңімен салыстырғанда 7,8% -ға артық, деп хабарлайды «ҚазАқпарат» ХАА ҚР Ұлттық экономика министрлігінің Статистика комитетіне сілтеме жасап.
Негізгі капиталға салынған инвестициялардың негізгі үлесі қаңтар-мамыр айларында тау-кен өндіру өнеркәсібі мен карьерлерді қазуда (54,6%), жылжымайтын мүлікпен операциялар (12,7%), тасымалдау және қоймалау (7,3%) болды. Ірі кәсіпорындар инвестицияларының көлемі 2 451 млрд. теңгені құрады.
Асхат Ахметбеков