+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Қазақстанда NASA-ның Орталық Азия аймақтық ақпарат орталығы ашылуы мүмкін

2019 жылғы 18 қыркүйек 21:46
Бөлісіңіз:
Қазақстанда NASA-ның Орталық Азия аймақтық ақпарат орталығы ашылуы мүмкін

НҰР-СҰЛТАН. ҚазАқпарат – Елордада ҚР Цифрлық даму, инновациялар және аэроғарыш өнеркәсібі министрлігі Аэроғарыш комитетінің қолдауымен AgriTechHub Kazakhstan ұйымдастырған Жерді қашықтықтан зондтау бойынша халықаралық форум аяқталды, деп хабарлайды ҚазАқпарат тілшісі.

Ұқсас жаңалықтар
«Прогресс МС-12» ғарыш кемесі Тынық мұхитына батырылады OneWeb спутнигі 2020 жылдың басында Байқоңырдан ұшырылады Қазақстандық ғарышкерлер жасағына іріктеу жүріп жатыр – Айдын Айымбетов

«Жердегі өзгерістерді бақылау: Су, энергетика, азық-түлік қауіпсіздігі және Орталық Азия мен Кавказдағы тұрақты даму» конференциясына NASA штаб-пәтерінің өкілдері, Мэриленд штатының университеті, Мичиган штатының университеті, Эллададағы зерттеулер және технология орталығы (Грекия), «Қазақстан Ғарыш Сапары» ұлттық компаниясының өкілдері қатысты.

Халықаралық конференцияда Қазақстан Республикасының Цифрлық даму, инновациялар және аэроғарыш өнеркәсібі вице-министрі Марат Нұрғожин сөз сөйледі.

«Ғарыштан бақылау Жерді мониторингілеуде көп мүмкіндік береді. Бұл жерде бақылау мен навигация жүйесінің орбиталық және жер үсті компоненттерін құру ғана емес, қашықтықтан зондпен бақылауды тиімді пайдалануды ұйымдастыру, ғарыштық мониторинг жүйесін елдің әлеуметтік-экономикалық және инновациялық дамуын жеделдететін бағдарламалармен біріктіру әлдеқайда маңызды», - дейді вице-министр.

Сондай-ақ, вице-министр конференцияда Қазақстандағы ғарыш саласын дамыту туралы да айтты. Қазақстанда заманауи ғарыштық инфрақұрылым құрылды, ғарыштық жабдықтар мен технологиялардың отандық үлгілерін дамытуда үлкен жетістіктерге қол жетті. Олардың қатарында жерді қашықтықтан зондтау ғарыш жүйесі бар. Ол Жердегі ғарыш аппараттарын басқару кешені мен қашықтықтан зондтау ғарыш кемесінен мәліметтерді қабылдау және өңдеуге арналған жердегі мақсатты кешен екі оптикалық құрылғылардың құрамында сәтті жұмыс істейді.

«Бұл ғарыш жүйесі Қазақстанға мемлекеттік және жергілікті атқарушы органдардың мамандандырылған геосервистерінде ғарыштық мониторингті дербес жүргізуге мүмкіндік берді, бұл ауыл шаруашылығы, төтенше жағдайлар, экология және табиғатты пайдалану, жерді пайдалану, геодезия, картография, ұлттық қорғаныс және басқа да салалардағы мәселелерді шешу үшін қашықтықтан зондтау мәліметтеріне жылдам қол жеткізуге мүмкіндік береді», - дейді Марат Нұрғожин.

Қашықтықтан зондтауға қатысты елімізде атқарылған жұмыстарға тоқталған вице-министр соңғы жылдардағы көрсеткіштерді атап өтті. 2018 жыл мен 2019 жылдың өткен кезеңінде ғарыштық мониторингіден ондаған миллиард теңге көлемінде алдын-ала мультипликативтік нәтиже, сонымен қатар экономиканың әртүрлі саласының тиімділігін арттыру және жақсарту үшін пайдаланылған оң нәтижеге қол жеткізілді.


Біздің каналымызға жазылыңыз:

Басты сөздер: Ғарыш, Байқоңыр,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT