+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қазақстанда мұнай-газ-химия жобалары табиғи газбен қамтылатын болды

2020 жылғы 13 маусым 13:21
Бөлісіңіз:
Қазақстанда мұнай-газ-химия жобалары табиғи газбен қамтылатын болды

НҰР-СҰЛТАН. ҚазАқпарат - Қазақстанда тиісті заңға мұнай-газ-химия жобаларын табиғи газбен қамтамасыз етуге мүмкіндік беретін түзетулер енгізілді. Бұл жөнінде Энергетика министрлігінің баспасөз қызметіне сілтеме жасап ҚазАқпарат хабарлайды.

Бүгінгі таңда Қазақстанда шикізат ретінде газды пайдалана отырып, мұнай-газ-химия өнімдерін өндіру бойынша бірқатар жобаларды іске асыру жоспарланып отыр. Алайда бұдан бұрын осы жобаларды газбен қамтамасыз ету тетігі орнатылмаған.

«Министрлік мұнай-газ саласының шикізаттық бағыттарынан қосылған құны жоғары өнім шығаратын мұнай-газ-химия өндірістерін құру үшін тұрақты негізде жүйелі жұмыс жүргізіп отыр. Табиғи газ - газ химиясы үшін құнды шикізат. Газдың барлық бағалы компоненттерін алу дәрежесін арттыру және тиімді пайдалану жаңа химиялық материалдардың тұтас кластеріне жаңа серпін береді. Газ-химия өнімі - өте бағалы экспорттық өнім. Оны сату газды сатуға қарағанда әлдеқайда тиімді. Газды өңдеудің төрт-бес сатысынан кейін (мысалы, газ→этан→этилен→полиэтилен→полиэтилен бұйымдары) соңғы өнімнің құны шамамен 5-6 есе өседі. Алайда, осында н егізгі мәселелердің бірі - шикізатпен қамтамасыз ету болып отыр» делінген минитсрлік таратқан хабарламада.

Аталған мәселені шешу мақсатында «Газ және газбен жабдықтау туралы» заңға түзетулер енгізілген.

Заңды іске асыру шеңберінде Энергетика министрінің 29 сәуірдегі бұйрығымен Мұнай-газ-химия өнімдерін өндіру жөніндегі инвестициялық жобалардың тізбесін жасау қағидалары бекітілген.

Онда инвестициялық жобалардың тиімділігін бағалау тетігі көзделген.

«Тетікке сәйкес жобалар макроэкономикалық, әлеуметтік, экологиялық және техникалық көрсеткіштер базасында олардың артықшылықтарын сипаттайтын өлшемдер негізінде балдық жүйе бойынша бағаланады. Қосылған құны жоғары базалық газ-химия өнімдерін өндіру мұнай-газ саласындағы терең өңдеуді дамыту үшін берік негіз бола отырып, біздің технологиялық даму стратегиямызға сәйкес келеді» деп мәлім етті ведомстводан.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT