Қазақстанда мобильді интернет пайдаланушылар саны күрт артты

None
None
АСТАНА. ҚазАқпарат - Биыл Қазақстанда ұялы телефондарды пайдаланушылар саны артты. Бұл туралы Energyprom.kz. мониторингтік агенттігіне сілтеме жасап ҚазАқпарат хабарлайды.

«Мобильді байланыс қызметтерінің көлемі бір жыл ішінде 2 пайызға, абоненттер саны - 5 пайызға, ал мобильдік интернет пайдаланушылары бірден 12 пайызға артты», - делінген хабарламада.

Белгілі болғандай, әрбір абонент ұялы байланыс операторларына 7 айдың ішінде орташа есеппен 5 мың теңге шамасында төлеген. Жалпы, 7 айдың қорытындысы бойынша мобильдік байланыс қызметтері 127,3 млрд теңгеге жетті, бұл өткен жылдағы көрсеткіштен 2 пайызға жоғары.

«Ағымдағы жылы өсім қызмет көлемінде және пайдаланушылар санында болды. Шілде айында ұялы байланыс абоненттері саны 27,3 миллионға жетті. Бір жыл бұрын осы көрсеткіш 26 млн деңгейінде еді», - деп атап өтілген агенттік мәліметінде.

Сонымен қатар, интернетке қосылған ұялы байланыс абоненттері 14,1 миллионды құрады, өткен жылы бұл көрсеткіш 12,6 миллион болды.

Орташа есеппен алғанда, әрбір абонент байланыс операторларына 7 айдың ішінде 4,7 мың теңге төледі. Бұл өз кезегінде былтырғы деңгейден біршама төмендеу, яғни 2017 жылы әр абонент 4,8 мың теңге жұмсаған еді.

Соңғы жаңалықтар