Қазақстанда мектеп формасы өзгере ме

НҰР-СҰЛТАН. ҚазАқпарат – ҚР Білім және ғылым министрі Асхат Аймағамбетов мектеп формасына қатысты түсінік берді, деп хабарлайды ҚазАқпарат тілшісі.

«Мектеп формасы бойынша Білім және ғылым министрлігінің 26-шы бұйрығы күшіне енгеніне бірнеше жыл болды. Ондағы негізгі нормалар аясында мектеп формасы зайырлы сипатқа ие. Сондықтан мектеп формасына қатысты тиісті талаптар қарастырылған. Атап айтқанда, жаңа оқу жылы қарсаңында қандай да бір елеулі өзгерістерді бізде ешкім де енгізіп жатқан жоқ», - деді министр Орталық коммуникациялар қызметіндегі баспасөз мәслихатында.

Бұдан бұрын хабарланғандай, Асхат Аймағамбетов балаларды 6 жасынан мектепке қабылдау тәртібіне қатысты түсінік берді.