+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қазақстанда маска шығаратын зауыттар бақылауға алынады - Елжан Біртанов

2020 жылғы 17 наурыз 20:26
Бөлісіңіз:
Қазақстанда маска шығаратын зауыттар бақылауға алынады - Елжан Біртанов

НҰР-СҰЛТАН. ҚазАқпарат - Қазақстанда маска шығаратын барлық медициналық зауыттар мемлекет тарапынан бақылауға алынады. Бұл туралы ҚР Денсаулық сақтау министрі Елжан Біртанов «Еуразия Бірінші» арнасының «Basty Prime» бағдарламасында айтты, деп хабарлайды ҚазАқпарат тілшісі.

Ұқсас жаңалықтар
Атырау облысында 71 адамнан коронавирус анықталды Батыс Қазақстанда індет жұқтырған 28 адам жансақтау бөлімінде жатыр Коронавирус: Түркістан облысында 131 науқаc бақылауға алынған

«Маскаға қатысты айтар болсам, бізде инфекция болмаған кезде оны тағып жүру қажеттілігі жоқ еді. Маскаларды сатып алып қою қажеттігін көп айттық. Өкінішке орай, маскаларды жаппай сатып алып, сатылымға шығарғанын көріп отырмыз. Қазір қоймаларда жатқан маскаларды тауып жатырмыз. Шетелге шығарылмақ болған, бірақ біз тыйым салғаннан кейін бірулер тастап кеткен маскалар да табылды. Бүгінде маскамен проблема бар екендігін мойындаймыз. Қазір жұмысқа, ұжымның ортасына баратын кезде медициналық бетперде қажет. Ал адам үйде карантинде отырса оған масканың еш қажеті жоқ», - деді министр.

Осы ретте ол маска тапшылығын жою үшін қандай жұмыс атқарылып жатқанын айтты.

«Осы уақыттың ішінде маска өндірісін екі есеге жуық ұлғайттық. Бұрындары 200-300 мың шығарылады десек, қазір 500 мыңға жуықтап қалдық. Бірқатар өңірде тігін цехын іске қостық. Бірақ, масканы қажеттілік болса, мәселен қалаға шыққан кезде сатып алып таққан жөн. Тәулік бойы оның тағып жүрудің еш қажеттілігі жоқ. Одан да қол тазалығын сақтаған барынша маңызды. Қазіргі уақытта карантиндегі қалаларды маскамен қамтамасыз ету үшін барлық шараны қабылдап жатырмыз», - деді Елжан Біртанов.

Сонымен қатар министр коронавирус күдігіне іліккен адамдарды қараумен, тасымалдаумен айналысатын жедел жердем қызметкерлерін, полиция қызметкерлерін тегін маскамен қамтамасыз ету маңызды болып отырғанын айтты.

«Кеше мемлекеттік комиссия бұл тұрғыда нақты шешім қабылдады. Ең алдымен қандай да бір қаперге алынбаған жайттар орын алмауы үшін маска шығаратын барлық медициналық зауыттар бақылауға алынады. Бұған қоса, бүкіл логистиканы бақылаймыз. Егер бұған дейін мемлекет ауруханалар үшін ғана маскаларды сатып алуға жауап берсе, ендігі уақытта белгілі бір дәріханаларға жеткізілуін қадағалаймыз. Комиссия шешіміне сәйкес, маскалар белгілі бір бағамен дәріханаларға жеткізіледі», - деді ол.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT