Қазақстанда мал шаруашылығының даму қарқыны төмен өңірлер аталды

None
None
АСТАНА. ҚазАқпарат - Ауыл шаруашылығы вице-министрі Арман Евниев Үкімет отырысында мал шаруашылығының даму қарқыны төмен өңірлерді атады, деп хабарлайды ҚазАқпарат тілшісі.

«Мал шаруашылығында жалпы оң өсу қарқыны байқалғанымен, өсім 7 айдағы 4,1 пайыздан 8 айдың қорытындысы бойынша 3,9 пайызға төмендеген. Атап айтқанда, Жамбыл облысы өндіріс 3,4 пайыздан 2,7-ге, Шығыс Қазақстан - 4 пайыздан 3,7-ге, Павлодар - 4,4 пайыздан 4,1-ге, Қостанай - 5,2 пайыздан 4,9-ға, Қызылорда - 2,7 пайыздан 2,4-ке, Қарағанды - 3,6 пайыздан 3,4-ке, Алматы облысы - 3,4 пайыздан 3,2-ге төмендеуіне жол беріп отыр», - деді Арман Евниев.

Ауыл шаруашылығы вице-министрінің айтуынша, ет өндірісі өткен жылдың тиісті кезеңімен салыстырғанда 4,5 пайызға ұлғайған. Алайда бұл осы жылдың 7 айында қалыптасқан көрсеткіштен төмен, болып отыр.

«Өсім қарқынына төмендеуіне Жамбыл (4 пайыздан 3-ке дейін), Шығыс Қазақстан (5,1 пайыздан 4,1-ге дейін) облыстары 1 пайызға, Қостанай 0,8 пайызға, Қарағанды, Павлодар және Қызылорда облыстары 0,4 пайызға жол беріп отыр», - дейді ол.

Арман Евниевтің айтуына қарағанда, аталмыш өңірлер сиыр етінің экспорты бойынша жоспарды да орындамаған. Атап айтқанда, ет экспорты бойынша жоспар Қарағанды облысында 7%-ға, Шығыс Қазақстанда 8%-ға, Қостанайда 16%-ға, Солтүстік Қазақстанда 17%-ға ғана орындалған.

«Бұл ет экспорты бағдарламасын іске асыру бойынша өңірлердің жеткілікті түрде жұмыс істемегенін көрсетеді. Сонымен қатар, Қостанай, Солтүстік Қазақстан облыстарының аналық мал басын тұқымдық түрлендіруге қатысу үлесі тиісінше 11,6% және 13,7%-дан аспайды», - дейді Арман Евниев.

Фото: ontustik.gov.kz

Соңғы жаңалықтар