+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Қазақстанда қызмет көрсететін операторлар саны қысқартылады

2021 жылғы 16 қыркүйек 12:33
Бөлісіңіз:
Қазақстанда қызмет көрсететін операторлар саны қысқартылады

НҰР-СҰЛТАН. ҚазАқпарат- Қазақстанда қызметтің нақты түрін жүзеге асыратын бірегей құқығы бар операторлар саны қысқартылады. Мұндай жаңашылдық Қазақстан Республикасының кейбір заңнамалық актілеріне бәсекелестікті дамыту мәселелері бойынша өзгерістер мен толықтырулар енгізу туралы заң жобасында қарастырылған, деп хабарлайды ҚазАқпарат тілшісі.

Ұқсас жаңалықтар
Мәжілісте күріш саласындағы диқандардың мәселелері көтерілді Ит таластыру мен жануарларға қатыгездік жасауға тосқауыл қоятын талаптар күшейтіледі Мәжіліс Адам құқықтары жөніндегі уәкіл туралы заң жобасын бірінші оқылымда мақұлдады

«Мемлекеттік және жеке операторлардың қызметін реттеу – маңызды қадам. Бұл Мемлекет басшысының тапсырмасы. Бүгінде Кәсіпкерлік кодекс мемлекеттік монополия жүргізудің негізін айқындайды. Сонымен қатар Қазақстанда мемлекеттік монополия құрмай-ақ қызметтің жекелеген түрлерін жүзеге асыруға заңнамалық тұрғыда бірегей құқық беру тәжірибесі қалыптасқан. Іс жүзінде мемлекеттік және жеке оператор деп аталатын балама институт қалыптасқан», - деді заң жобасын Мәжілісте таныстырған ҚР Бәсекелестікті қорғау және дамыту агенттігі төрағасының бірінші орынбасары Рүстем Ахметов.

Оның дерегінше, елімізде 51 оператор анықталған. Олардың 47-сі мемлекеттің қатысуымен құрылған. Ендігі уақытта оларға да мемлекеттік монополиия субъектілеріне қолданылатын құқықтық шектеу режимі қатысты болады. Қазірдің өзінде 9 операторға қатысты түбегейлі шешім қабылданып, 4-еуі жойылды. Ал 5-еуі осы жылыдң ішінде оператор мәртебесінен айырылады.

«18 оператор реттеуді талап етпейді. Өйткені, олар қоғамдық қызметтерді жүзеге асырады және табыс таппайды. Қалған 24 операторға қатаң антимонополиялық реттеуді қамтамасыз ету ұсынылып отыр», - деді Рүстем Ахметов.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT