+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Қазақстанда қытайтану институты ашылды

2019 жылғы 18 маусым 01:58
Бөлісіңіз:
Қазақстанда қытайтану институты ашылды

НҰР-СҰЛТАН. ҚазАқпарат - Л.Н.Гумилев атындағы Еуразия ұлттық университеті Ғылыми кеңесінің шешімімен ғылыми-зерттеу бағытындағы «Қытайтану институты» ашылды, деп хабарлайды ҚазАқпарат университеттің баспасөз қызметіне сілтеме жасап.

Аталған институттың басшысы болып белгілі қытайтанушы, филология ғылымдарының докторы, ақын, Дүниежүзі синологтар қоғамының мүшесі Дүкен Мәсімханұлы тағайындалды.

«Қытайтану институтының негізгі мақсаты - Қазақстан Республикасымен дипломатиялық қарым-қатынас орнатқан стратегиялық әріптес ел - Қытай Халық Республикасының тарихын, мәдениетін, салт-дәстүрін, экономикалық-әлеуметтік даму ерекшелігін, әлемдегі орнын зерделеп, ғылыми байыптау. Ресми Бейжіңнің Шығыс және Оңтүстік Азия, Тайвань, Батыс Еуропа, Түркі, Ислам дүниесі, Орталық Азия елдерімен қарым-қатынасын сараптау», делінген хабарламада.

Институт ҚХР-дың өз ішіндегі этносаралық, дінаралық, экономикалық, әлеуметтік, саяси мәселелерді, бүгінгі қалпы мен беталысын болжамдап, ақпарат көздері мен жалпы оқырманға анық етіп жеткізбек.

Сонымен қатар институттың мәдени бағыттағы жоспарлаған жұмыстары бар. Мысалы, Қытай мұрағаттарындағы ежелгі түркі, қазақ тайпалары тариxы мен мәдениетіне қатысты деректерді іздеу, жинау, жүйелеу және басып шығару.
«Әйгілі қытай ғалымдары жазған ежелгі түркі, байырғы қазақ тариxы мен мәдениеті туралы зерттеулерді, қытай (xанзу) ұлтының түсінік-танымын, талғам-парасатын Қазақстан жұртшылығына кеңінен таныстыру. Қытай әдебиеті үлгілерін қазақ тіліне аудару. Екі жақтың мәдени-рухани, ғылыми-зерттеушілік қарым-қатынасына лайықты жағдай туғызу», делінген хабарламада.

Біздің каналымызға жазылыңыз:

Басты сөздер: Қытай, Дипломатия, ЖОО-лар,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT