Қазақстанда күзде азық-түлік бағасы қымбаттауы мүмкін бе
«Бізде жалпы әлеуметтік маңызы бар азық-түліктің 19 түрі бойынша түсім жаман емес. Бұл ең алдымен – көкөніс пен жеміс-жидек. Фермерлерге ең алдымен ішкі нарықты толтыру мен ел ішінде арзан бағаға сату туралы қарсы міндеттемелерді жүктей отырып, біз азық-түлік тауарларын арзандатуға қол жеткіземіз. Сонымен бірге айналмалы схема, сауда желілеріне қарсы міндеттемелерді жүктеу, логистиканы оңтайландыру секілді шаралар азық-түлік бағасын арзандатуға айтарлықтай сеп болады», - деді Азамат Асқарұлы ОКҚ-да өткен баспасөз мәслихатында.
Вице-министрдің айтуынша, жыл басынан бері елде әлеуметтік маңызы бар азық-түлік бағасы 5,7 пайызға қымбаттаған.
«Елімізде әлеуметтік маңызы бар азық-түлік бағасы 9,1 немесе 7 пайызға дейін қымбаттаған кездер болған. Карантин уақытында шекті бағаларды бекіту арқылы біз бағаны ұстап қалдық. Әлбетте бұл – нарықтық шаралар емес. Карантиннен кейін шекті бағаларды алып тастадық. Алайда жергілікті орындарда азық-түлік бағасын реттеу әкімдіктердің құзіреті екенін еске салғым келеді. Егер күзде әлеуметтік маңызы бар тауарлардың бағасы өссе – Сауда және интеграция министрлігі шекті бағаларды қоюға дайын. Бірақ ең бастысы – азық-түліктің қазіргі көлемі жеткілікті. Сондықтан біз бағаның өсуін 6-7 пайыздық деңгейде күтіп отырмыз», - деді Азамат Асқарұлы.
, - деді Азамат Асқарұлы.