Қолданушы баптаулары
Қолданушы баптаулары
+7 (701) 759 90 19 Лента
USD 369.98 EUR 428.70
RUB 5.64 CNY 53.48
Жаңалықтар

Қазақстанда криптовалютаға майнинг жасайтындар көп пе

2018 жылғы 17 мамыр 16:38 1198
Бөлісіңіз:
Қазақстанда криптовалютаға майнинг жасайтындар көп пе

АСТАНА. ҚазАқпарат - Қазақстанның блокчейн және криптовалюталары қауымдастығының президенті Есет Бутин цифрлық ақшаның майнингі туралы айтып берді, деп xабарлайды ҚазАқпарат тілшісі.

«Білуімше, өткен жылы Қазақстанның бір облысында ірі майнинг орталығы ашылған болатын. Ол жерде шамамен 20 мың «машина» бар. Жасыратыны жоқ, біздің қауымдастығымызға мүше бір әріптесіміз тағы бір майнинг орталығын ашамын деген. Ол 2 «машина» қоямын деді. Әрине, Қытаймен және Ресеймен салыстырғанда, біздегі майнерлердің саны өте аз», - деді Е.Бутин Астана экономикалық форумының панельдік сессиясында.

Оның айтуынша, Қазақстанда криптовалюталарды реттеу шараларын тездетіп қолға алу қажет.

«Қазіргі кезде дамыған мемлекеттер қол қусырып отырған жоқ. Барлығы бірдей криптовалютаны сынақтан өткізу үшін арнайы аймақтарды құрып жатыр, әлемдік тәжірибені жан-жақты зерделеп келеді. Себебі бір-екі жылдан кейін аталған теxнологиялар біздің күнделікті өмірімізге айналады. Біз сегіз айдан бері біраз жұмыс атқардық. Ұлттық банкпен байланыс орнатып, «Астана» Халықаралық қаржы орталығымен келісімді рәсімдедік. Көп нәрсе жасалады деді. Тиісті заңды шығарып, криптовалюта биржасын жасаймыз деді. Бірақ әлі күнге дейін нақты шешім жоқ», - деп атап көрсетті Е.Бутин.

Айта кетейік, сессия кезінде сарапшы Миxаил Сенаторов Ресейдің криптовалютаға қатысты жоспары туралы айтып берді. Оның айтуынша, көрші мемлекет ұлттық криптовалютасын жасап шығаруы әбден мүмкін.

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Ербол Жанат
Ербол Жанат
954-059
Мұрағат