Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Қазақстанда креативті индустрия ұғымы заңнамалық тұрғыда бекітіледі

2022 жылғы 21 маусым 17:05

НҰР-СҰЛТАН. ҚазАқпарат – Креативті индустриялар қызметінің түрлерін санатқа бөлу үшін әдіснамалық тәсілдер құрылады.

Бұл туралы Парламент Мәжілісінде Мемлекет басшысының жекелеген тапсырмаларын іске асыру мәселелері бойынша заң жобасы таныстыру кезінде ҚР Ұлттық экономика вице-министрі Абзал Әбдікәрімов айтты, деп хабарлайды ҚазАқпарат тілшісі.

«Креативті индустрияны құқықтық реттеу мақсатында креативті индустрия ұғымын айқындауды заңнамалық тұрғыдан бекіту, осы субъектілердің қызметін реттеудің негізгі қағидаттарын, тәсілдері мен өлшемшарттарын белгілеу, сондай-ақ креативті индустрия қызметінің түрлерін санатқа бөлу үшін әдіснамалық тәсілдерді қалыптастыру ұсынылады», - деді Абзал Әбдікәрімов.

Мұнымен қоса, мемлекеттік қызмет істері агенттігінің ұсынысы негізінде заң жобасында:

- бос лауазымға тікелей тағайындау;

- Мемлекеттік қызмет істері агенттігімен «Б» корпусының лауазымдарына қойылатын біліктілік талаптарын келісу;

- Президент актісі деңгейінде мемлекеттік қызметке іріктеу кезеңдері мен тәртібін айқындау;

- қызметшілер жұмысының тиімділігін тоқсан немесе ай сайын бағалауды енгізу бойынша бірқатар түзетулер көрсетілген.

Бұдан бұрын хабарланғандай, Бүгін Парламент Мәжілісінде «Қазақстан Республикасының кейбір заңнамалық актілеріне Мемлекет басшысының жекелеген тапсырмаларын іске асыру мәселелері бойынша өзгерістер мен толықтырулар енгізу туралы» заң жобасы таныстырылды.

https://www.inform.kz/kz/bir-kozden-memlekettik-satyp-aluga-katysty-ozgerister-bolady_a3946849


Автор:

Руслан Ғаббасов

Новости по теме