+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

Қазақстанда көздің қатерлі ісігін емдейтін жаңа әдіс қолданыла бастады

2021 жылғы 22 қыркүйек 13:27
Бөлісіңіз:
Қазақстанда көздің қатерлі ісігін емдейтін жаңа әдіс қолданыла бастады

АЛМАТЫ. ҚазАқпарат - Педиатрия және балалар хирургиясы ғылыми орталығы Орталық Азияда алғаш рет ретинобластоманың көзді сақтауға мүмкіндік беретін селективті интраартериялық химиотерапияның жоғары технологиялық орган сақтау емін жүргізуді басталды. Көздің қатерлі дертінде қолданатын бұл ем көзді, тіпті көздің көру қабілетін сақтауға мүмкіндік береді, деп хабарлайды ҚазАқпарат тілшісі.

Ұқсас жаңалықтар
2025 жылға дейін кемінде 20 заманауи аурухана салынады – вице-премьер Атырауда Израильден келген дәрігерлер бір күнде сегіз ота жасады Алматыда полицейлер 8,5 келіден астам есірткі тәркіледі

Ретинобластома - көздің қатерлі ісігінің сирек кездесетін түрі. Бұл дерт балалар арасында кең тараған. Ретинобластома бүкіл көз алмасын ісік тінімен толтырумен, көру жүйкесіне, көзұясына, миға қарай өсетін агрессивті ағыммен сипатталады. Ісік көру қабілетінің жоғалуы түрінде ғана қатерлі емес, сонымен қатар метастаздың және басқа мүшелердегі екінші қатерлі ісіктердің дамуына әкелуімен де қауіпті.

Жыл сайын әлемде ретинобластома диагнозымен 8100 бала тіркеледі. Оның 570 - 810-ы жаңа туған кезде анықталады.

Педиатрия және балалар хирургиясы ғылыми орталығы ұсынған мәліметке сүйенсек, жыл сайын Қазақстанда көздің қатерлі ісігінің (ретинобластоманың) 20-25 жаңа жағдайы анықталады. 2015 жылдан бастап ретинобластомасы бар барлық науқастар Педиатрия және балалар хирургиясы ғылыми орталығында емделуде.

Педиатрия орталығында Қазақ көз аурулары ҒЗИ-мен бірге лазерлі транспупиллярлы термотерапия, интравитреальді химиотерапия, криодеструкция емдері енгізілген, енді орган сақтау әдістерінің бірі - селективті интраартериалды химиотерапия қолданылатын болады.

«Педиатрия орталығында көздің қатерлі ісігіне ота жасау үшін барлық жағдай жасалған – арнайы медициналық жабдықтар, қондырғы және білікті мамандарымыз бар. Қазақстанда алғаш рет орган сақтауға мүмкіндік беретін СИАХТ операциясы басталды. Біз үшін және науқас балалардың ата-аналары үшін емнің жаңа түрінің енгізілуі бірегей, ерекше оқиға. 2016 жылдың қараша айында ретинобластома кезіндегі СИАХТ-тың жаңа технологиясын қарастыруға өтінім берген еді. Пандемияға байланысты клиникалық хаттама 2021 жылғы 25 тамызда ғана бекітілді. Осы уақыт ішінде біз 2 мастер-класс өткізіп, 12 балаға операция жасадық», – дейді дәрігер-офтальмолог Елена Тян.

Оның айтуынша, Америка Құрама Штаттарында және Еуропада 15 жыл, Ресейде 10 жылдан бері қолданылып келе жатқан селективті интраартериалды химиотерапия емі жоғары тиімділікті көрсетті, көзді орган ретінде, тіпті көру қабілетін сақтауға мүмкіндік береді. АҚШ-та қолдану жылдарында көз алмасын алып тастау операцияларының саны 95%-дан 8%-ға дейін қысқарды.

«Көздің қатерлі дертіне шалдыққан балалардың ата-аналары көздерін сақтап қалуға тырысып, бұрын шетелдік квотамен немесе өз қаражатымен шетелге емделуге баратын. Енді біздің еліміздің пациенттерінде өз елімізде емделуге мүмкіндіктері бар. Ретинобластоманың орган сақтайтын емінің барлық түрлерін тегін медициналық көмектің кепілдік берілген көлемі (ТМККК) есебінен тегін ала алатын болады»,- деді дәрігер.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT