Қазақстанда коронавирус тағы 6 адамнан анықталды

НҰР-СҰЛТАН. ҚазАқпарат - Қазақстанда коронавируске шалдыққан тағы 6 адам анықталды, деп хабарлайды ҚазАқпарат.

«10 сәуір сағат 20.15-тегі жағдай бойынша, коронавирус індетін жұқтырған тағы 6 адам тiркелді, Алматы қаласында - 1 адам, Павлодар облысында - 1 адам, Атырау облысында - 2 адам, Қызылорда облысында - 1 адам, Түркістан облысында - 1 адам», - делінген ақпаратта.

Сондай-ақ мәлім етілгендей, Алматы қаласында коронавирустан 1 науқас көз жұмды.

«Осы сағатта Нұр-Сұлтан қаласы бойынша - 226 адам, Алматы қаласында – 123 адам, Қарағанды облысында - 61 адам, Ақмола облысында - 61 адам, Атырау облысы - 47 адам, Жамбыл облысында - 45 адам, Шымкент қаласында - 31 адам, Шығыс Қазақстан облысында - 6 адам, Алматы облысында - 10 адам, Ақтөбе облысында - 11 адам, Солтүстік Қазақстан облысында - 25 адам, Павлодар облысында - 4 адам, Маңғыстау облысында - 9 адам, Қызылорда облысында - 105 адам, Батыс Қазақстан облысында - 6 адам, Түркістан облысында - 35 адам, Қостанай облысында - 3 адам, жалпы 808 науқас тіркелді», - делінген ресми мәліметте.

Айта кетейік, осы уақытта індеттен барлығы 64 адам жазылып шықты. Қайтыс болғандар саны 10 адам.