+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қазақстанда комплаенс-қызметі не үшін қажет – маман жауабы

2021 жылғы 21 қыркүйек 12:40
Бөлісіңіз:
Қазақстанда комплаенс-қызметі не үшін қажет – маман жауабы

НҰР-СҰЛТАН. ҚазАқпарат – Елімізде квазимемлекеттік және жеке секторларда сыбайлас жемқорлыққа қарсы комплаенс-қызметін енгізу белсенді жүріп жатыр. Осы орайда аталған қызметтің мақсаты мен оның не үшін қажет екендігі туралы «Самұрық-Қазына» ұлттық әл-ауқат қоры АҚ-ның комплаенс қызметінің басшысы Дәурен Ақшалов айтып берді, деп хабарлайды ҚазАқпарат тілшісі.

Ұқсас жаңалықтар
«Дені сау ұлт»: 2025 жылға дейін елімізде 19 «ерте араласу» орталығы салынады «Елорда көршілері» тұрғын үйді басқару және дамыту бағдарламасы іске қосылды СҚО-да полицейлер бір отбасын өрттен құтқарып қалды

«Комплаенс-қызметі ұғымы бізге шетелден келген. Ол сәйкестік деген мағынаны білдіреді. Аталған қызметтің мақсаты – халықаралық заңнамалардың сәйкестігін тексеріп, мониторинг жүргізу. Сол сияқты талдау жасау. Одан бөлек, комплаенс-қызметі әдеп кодексінің бұзылуы мен сыбайлас жемқорлық әрекетіне жол бермеумен күреседі. Сонымен қатар бұл қызмет бұрынғы КСРО елдері арасында Қазақстанда алғаш енгізіліп отыр», - деді Дәурен Ақшалов ҚР Сыбайлас жемқорлыққа қарсы іс-қимыл агенттігінде өткен AntikorLive жобасының эфирінде.

Оның айтуынша, бүгінде комплаенс-қызметі еліміздің квазимемлекеттік ұйымдарында енгізіліп жатыр.

«Осы қызметтің тағы бір маңыздылығы Қазақстанға инвестицияға құюға қызығушылық танытқан кез келген инвестор, алдымен екі мәселені анықтап алады. Бірінші, бизнесті дамытуға қандай жағдай жасалған, екінші сыбайлас жемқорлық қаупін жою қалай реттелген. Міне осы тұста комплаенс-қызметінің рөлі ерекше. Соған қоса биыл Мәжілісте еліміздегі комплаенс-қызметін тәуелсіз ету мәселесін көтердім. Яғни комплаенс-қызметкері ашық әрі еркін жұмыс істеуі қажет», - дейді ол.

Айта кетсек, квазимемлекеттік компанияларда сыбайлас жемқорлыққа қарсы комплаенсті енгізу өткен жылдың соңында заңнамалық тұрғыда міндеттелді.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT