Қазақстанда қияр, қызанақ және жұмыртқа арзандады

НҰР-СҰЛТАН. ҚазАқпарат - Қазақстанда ауылшаруашылық құрылымдары өндірген ауыл шаруашылығы өнімдерінің бағасы 2019 жылдың маусымында 2018 жылдың желтоқсанымен салыстырғанда 7% артқан, деп хабарлайды ҚазАқпарат ҚР Ұлттық экономика министрлігі Статистика комитетіне сілтеме жасап.

Атап айтқанда, осы жылдың маусымында өткен жылдың желтоқсанымен салыстырғанда мал шаруашылығы өнімдерінің бағасы 0,2% арзандап, өсімдік шаруашылығы - 9,6% қымбаттаған.

Жыл басынан бері қарақұмықтың бағасы 3,3% төмендесе, бидай - 18,9%, арпа - 8%, жүгері - 5,5%, сұлы - 3,1%, күріш - 1%, қарабидай - 0,7% көтерілген.

Қияр бағасы 13,5%, картоп - 5,8%, қызанақ - 1%, сәбіз - 0,6%, орамжапырақ - 0,4% арзандаса, қызылша - 4,9% және пияз - 1,7% арзандаған.

Жылқы етінің құны - 4,3%, ірі қара мал еті - 3,7%, қой және шошқа еті - 2,2%, құс еті - 0,9% артқан. Жұмыртқа 17%, бал - 3,8%, қой жүні - 2,7%-ке төмендесе, шикі сүт 1,2% қымбаттаған.