+7 (701) 759 90 19
USD 433.55 EUR 515.53
RUB 5.62 CNY 66.25
Jańalyqtar

Қазақстанда кітап шығаратын кезде оқырман пікірі ескерілетін болады

2021 жылғы 3 наурыз 18:00
Бөлісіңіз:
Қазақстанда кітап шығаратын кезде оқырман пікірі ескерілетін болады

НҰР-СҰЛТАН. ҚазАқпарат – Ендігі уақытта елімізде жарық көретін туындылар алдымен халықтың талқысына салынады, деп хабарлайды ҚазАқпарат тілшісі.

«Бізде отандық жазушылардың туындыларын шығаруға арналған бағдарлама бар. Соған сәйкес биыл біздің министрліктің қолдауымен шығатын кітаптардың барлығы алдымен кітап палатасының сайтына жарияланады. Ол жерде әр оқырман жаңа туындымен таныса алады және оқып болған соң өзінің ой-пікірін қалдыру мүмкіндігі бар. Мұндағы мақсат – оқырманның пікірін елеп, сол арқылы жарық көретін кітаптардың саны мен сапасын арттыру», - деді ҚР Мәдениет және спорт министрінің орынбасары Нұрғиса Дәуешов.

Оның айтуынша, жаңа туындыны шығармас бұрын бұқараның талқысына салып, ойын тыңдаған абзал.

«Кітаптың оқырманы - халық. Сондықтан жұрт қандай кітап шығып жатқанын, оның авторы кім екені білгені жөн. Яғни, министрлік көпшіліктің талқысынан түскен соң ғана жарыққа шығаратын кітаптардың тізімін жасақтап, іріктеу жасайды. Әрине бұл жерде оқырман пікірінен бөлек, сала мамандарынан құрылған арнайы комиссия жұмыс істейді. Дегенмен халықпен кеңесу - басты мақсатымыздың бірі болып отыр», - дейді ол.

Бұған дейін вице-министр елімізде балалар мен жасөспірімдерді кітап оқуға қызығушылығын арттыру мақсатында арнайы тұжырымдама әзірленгенін айтқан еді.


Біздің каналымызға жазылыңыз:

Бөлісіңіз:

Автор:

Әли Ибраев

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT