+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Қазақстанда қасқыр азайып кеткен аумақтар анықталатын болды

2018 жылғы 27 қыркүйек 21:18
Бөлісіңіз:
Қазақстанда қасқыр азайып кеткен аумақтар анықталатын болды

АСТАНА. ҚазАқпарат - Қазақстанның биоалуантүрлілікті сақтау қауымдастығы (ҚБСҚ) қасқырды зерттеуге қатысты жұмысты жалғастыруда. Биыл қауымдастық Ақтөбе, Атырау, Батыс Қазақстан және Маңғыстау облыстарында аңшылар мен жергілікті тұрғындар арасында сауалнама жүргізеді, деп хабарлайды ҚазАқпарат қоғамдық ұйымның сайтына сілтеме жасап.

Сауалнама барысында қауымдастық тұрғындардың түрлі санаттары арасында қасқырға деген қарым-қатынасты анықтайды. Бұған қасқырды көру, жыртқыш туралы білу деңгейі және табиғатқа деген жалпы көзқарасы әсер етеді.

Сондай-ақ, жергілікті тұрғындар соңғы жылдарда осы өңірдегі қасқыр саны мен өсіміне қатысты білетін деректерімен бөліседі. Бұдан басқа мал шаруашылығына жырқыштар қанша шығын келтіргені де есепке алынады Айта кетерлігі елімізде осындай мәліметтер орталықтандырылып жинастырылмайды.
Сауалнама нәтижесі шектеусіз аулау салдарынан қасқыр саны барынша азайып кеткен өңірлерді анықтауға көмектеседі. Анкета жүргізу алдағы уақытта еліміздің жазық алқаптарында қасқыр санын реттеу тетігін әзірлеуге септігін тигізеді.

Сауалнаманы ҚБСҚ мамандары қауымдастық клубтары, филиалдары арқылы, сондай-ақ, киік мекендейтін жерлерге жақын тұратын ауыл тұрғындары арасында ақпараттық науқан аясында да жүргізеді.

Анкета тиімділігін арттыру үшін ол анонимді түрде алынады.
Қазіргі уақытта қауымдастық 800 анкета таратты. Алдағы уақытта анкета ғаламторда жарияланады, сол кезде оның сұрақтарына еліміздегі барлық қала тұрғындары жауап бере алады.

Біздің каналымызға жазылыңыз:

Бөлісіңіз:

Автор:

Жәнібек Амангелді

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Үмбет Шолпан
Үмбет Шолпан
954-059

MURAǴAT