Қазақстанда қаңтар-шілдеде өнеркәсіп өнімдері 9,6% қымбаттады

НҰР-СҰЛТАН. ҚазАқпарат - Қазақстанда өнеркәсіп өнімдерін өндіруші кәсіпорындардың бағасы 2019 жылдың шілде айында өткен аймен салыстырғанда 0,8%-ке өсті, 2018 жылдың желтоқсан айынан - 3,2%, осы жылдың қаңтар-шілде айларында өткен жылдың осы кезеңімен салыстырғанда 9,6%-ке артқан, деп хабарлайды ҚазАқпарат ҚР Ұлттық экономика министрлігінің Статистика комитетіне сілтеме жасап.

Жыл басынан бері тау-кен өнеркәсібіндегі өңдеуші кәсіпорындардың бағасы 4,4%, өңдеу өнеркәсібінде – 3,2% өсті. Өнеркәсіп өндірісі 3,5% қымбаттады, өнеркәсіп қызметтерінің бағасы 0,1% артты.

Жыл басынан бері көмір 9,2% -ға, сұйытылған пропан мен бутан - 1,7% -ға, металл кендері - 6,6% -ға, мұнай - 4,5% -ға, табиғи газ - 1,8% -ға, дизель отыны - 1%-ға қымбаттап, бензин 11,8%, мазут 0,5%-ке арзандады.

Асыл металдар – 13,1%, қара металлдар бағасы - 5,6%, ферроқорытпалар - 2,6%-ке өссе, алюминий - 4,7%, мырыш - 1,9%, мыс - 1,6% -ке төмендеді.

Қара бидай ұны -21,4%, бидай - 14,4%, күріш - 17,1%, жарма -10%, макарон өнімдері - 9,7%, ірі қара мал еті -8,2%, нан - 5,5%, шай - 3,5%, өсімдік майы - 2,6% , сүт өнімдері - 3%-ке, балық – 2,1%-ке қымбаттаса, құс еті - 1,9%-ке, қант – 0,6%-ке арзандады.