18:38, 19 Қазан 2020 | GMT +6
Қазақстанда қандай нысандардың жұмысына тыйым сақталады
НҰР-СҰЛТАН. ҚазАқпарат – ҚР аумағында коронавирус инфекциясының таралуына жол бермеу жөніндегі ведомствоаралық комиссия (ВАК) елімізде қандай нысандардың қызметіне рұқсат берілмейтінін айтты, деп хабарлайды ҚазАқпарат тілшісі.
Бүгін Премьер-Министр Асқар Маминнің төрағалығымен ВАК-тың селекторлық отырысы өткен болатын. Онда Қазақстандағы санитарлық-эпидемиологиялық ахуал ескеріле отырып, келесі шектеу шаралары сақталатыны мәлім етілді:
- мектепке дейінгі балалар мекемелерінің;
- бильярд және компьютер клубтарының;
- ойын-сауық мекемелерінің,
- банкет залдарының;
- түнгі клубтардың қызметіне салынған тыйым сақталады.
Сондай-ақ облысаралық жолаушылар тасымалдарына және ортақ вагондарды құруға тыйым жалғасады.