+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Қазақстанда қандай қызметтер мен тауарлардың бағасы өсті

2021 жылғы 20 қазан 11:35
Бөлісіңіз:
Қазақстанда қандай қызметтер мен тауарлардың бағасы өсті

НҰР-СҰЛТАН. ҚазАқпарат – Мәжілістің жалпы отырысында Ұлттық банк төрағасы Ерболат Досаев елімізде инфляцияның өсуінің негізгі себептерін айтты, деп хабарлайды ҚазАқпарат тілшісі.

«Биылғы жылдың екінші жартыжылдығынан бастап Қазақстанда инфляция тұтынушылық белсенділіктің тез қалпына келуі, экономиканы фискалдық ынталандырудың жалғасуы және жекелеген тауар нарықтарындағы теңгерімсіздіктері нәтижесінде өсті», - деді Е. Досаев.

Оның айтуынша, азық-түлік бағасының өсуі негізгі инфляцияға қарсы фактор болды, ол жалпы инфляцияға жартысынан көп үлес қосады. Азық-түлік инфляциясы биылғы қыркүйекте уақытша және орнықты факторлардың әсерінен 11,5%-ға дейін жылдамдады.

«Осы жылғы шілде-тамызда жаз айларына тән емес және ұзақ сақталатын көкөністер (картоп, сәбіз, қызылша) бағасының соңғы жылдардағы рекорд өсуі тіркелді. Ет, өсімдік майы және қант бағасының өсуі инфляцияны жылдамдатудың тұрақты факторы болып қалуда, бұл өсу деңгейін әлемдік үрдістермен салыстыруға болады. ФАО деректеріне сәйкес, бір жылда еттің әлемдік бағасы орта есеппен 26,3%-ға, өсімдік майының бағасы – 61,2%-ға, қанттың бағасы – 53,5%-ға өсті», - деді ҰБ басшысы.

Оның сөзіне қарағанда, бірінші кезекте тұтынушылық белсенділіктің қалпына келуі аясында жанар-жағар май және ұзақ пайдаланылатын тауарлар бағасының өсуі нәтижесінде Қазақстанда азық-түлікке жатпайтын инфляция 7,5%-ға дейін жылдамдады.

«Ақылы қызметтер инфляциясы негізінен электр энергиясы, тұрғын үйді жалдау және көлік қызметтері бағасының өсуі есебінен 6,8%-ға дейін жылдамдады», - деді Е. Досаев.


Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT