Қазақстанда іс жүзінде халықаралық зерттеу бағдарламалары жоқ - министрлік
«Қазақстанда іс жүзінде халықаралық зерттеу бағдарламалары жоқ. Орнаған халықаралық ынтымақтастық соншалықты көлемді болмағандықтан, көптеген зерттеушілер мен ұйымдар мұндай жобалар туралы білмейді және қатыспайды. Кәсіпорындар өндіріске ғылыми-зерттеу және тәжірибелік-конструкторлық жұмыстар нәтижесінде жасалған тәжірибелік үлгілерді өндіріске енгізуге мүдделі емес. Өйткені бұл көбінесе қосымша жабдықты сатып алуды, технологияны игеруді, қызметкерлер құрамын оқытуды, яғни қолма-қол ақша құюды талап етеді. Ал пайда табуға кепілдік берілмейді», - делінген консультативтік құжатта.
Ғылымның дамуына қолбайлау болып отырған бұл мәселелері шешу үшін министрлік Ғылым қорының қызметін трансформациялауды жоспарлап отыр.
«Экономикалық тиімділікті одан әрі арттыру мақсатында барлық бизнес-процестердің ашықтығы мен мөлдірлігін қамтамасыз ететін тетіктерді енгізу арқылы «Ғылым қоры» акционерлік қоғамының қызметін трансформациялау жоспарланып отыр. Ғылыми-зерттеу және тәжірибелік-конструкторлық жұмыстарды қаржыландыруды ынталандыру мақсатында жеке сектор қосымша құн салығынан босату ұсынылады. Сонымен бірге инновациялық инфрақұрылымның жаңадан құрылатын элементтері үшін салық салуды азайту сияқты қосымша жеңілдіктерді қарастырылады», - деп мәселенің шешу жолы ұсынылған.
Консультативтік құжат 30 наурызға дейін көпшілік талқылауда болады.