Қазақстанда І жартыжылдықта мұнай өндіру 3,3 пайызға ұлғайды

АСТАНА. 12 шілде. ҚазАқпарат - Қазақстанда қаңтар-маусым айларында мұнай өндіру 34,4 млн. тоннаны құрады. Бұл өткен жылдың сәйкес мерзімімен салыстырғанда 3,3 пайызға артық. Бұл туралы Статистика агенттігінің ай сайынғы есебінде жазылды.

Статистикалық мәліметтерге сәйкес, есепті кезеңде газ конденсатын өндіру 5,949 млн. тоннаны (-6,1%), көмір - 54,675 млн. тоннаны (-3,2%) құрады. Бұдан бөлек, елімізде қаңтар-маусым айларында жанармай өндіру 1,262 млн. тоннаны құрады. Бұл 2012 жылдың сәйкес мерзімімен салыстырғанда 15,6 пайызға кем.