+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Қазақстанда ферроқорытпа өндірісі артты

2020 жылғы 16 қаңтар 11:16
Бөлісіңіз:
Қазақстанда ферроқорытпа өндірісі артты

НҰР-СҰЛТАН. ҚазАқпарат – Қазақстанның ферроқорытпа экспорты тоннамен есептегенде артқанымен, ақшаға шаққанда айтарлықтай қысқарды, деп хабарлайды ҚазАқпарат тілшісі energyprom.kz ресурсына сілтеме жасап.

«Өндіріс оң көрсеткішке ие. Бір жылдағы өсім 6 пайызға жетті. Өткен жылдың 10 айында елімізде 2,02 млн тонна ферроқорытпа өндірілді. Оның 34,3 пайызы немесе 693,9 мың тоннасы - Ақтөбе облысында, 62,9 пайызы немесе 1,27 млн тоннасы - Павлодар облысында шығарылды. Ферроқорытпаның жалпы көлемінің 86 пайызы - феррохромға тиесілі. 2019 жылдың қаңтар-қарашасында өндірілген феррохром көлемі 1,74 млн тонна болды. Бұл бір жыл бұрынғы көлемнен 7,7 пайызға артық. Мұнан бөлек 110,5 мың тонна ферросиликомарганец өндірілді», - делінген таратылған ақпаратта.

2019 жылдың 10 айының қорытындысында елімізде өндірілген ферроқорытпаның төрттен үші экспортқа жөнелтілген. Қаңтар-қарашада экспортқа 1,55 млн тонна ферроқорытпа жіберілді. Бұл - ақшаға шаққанда 1,7 млрд доллар. Тоннаға шаққанда экспорттық жеткізілім көлемі 6,7 пайызға өсіп отыр. Дегенмен, ақшалай көрсеткіш 14,4 пайызға құлдыраған.

Қазақстанның ферроқорытпа өнімдерін негізінен Қытай, Жапония, Корея, Ресей және АҚШ сатып алады.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT