+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қазақстанда электронды ақшамен жасалатын операцияларға лимиттер белгіленеді

2020 жылғы 15 шілде 18:47
Бөлісіңіз:
Қазақстанда электронды ақшамен жасалатын операцияларға лимиттер белгіленеді

НҰР-СҰЛТАН. ҚазАқпарат - 2020 жылғы 17 шілдеде «Қазақстан Республикасының кейбір заңнамалық актілеріне шетел валютасындағы ипотекалық қарыздар, көрсетілетін төлем қызметтері нарығының субъектілерін реттеуді жетілдіру, жалпыға бірдей декларациялау және экономикалық өсуді қалпына келтіру мәселелері бойынша өзгерістер мен толықтырулар енгізу туралы» Заң күшіне енеді, деп хабарлайды ҚазАқпарат.

ҚР Ұлттық банк баспасөз қызметінің мәліметінше, Заң «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауында белгіленген Мемлекет басшысы Қасым-Жомарт Тоқаевтың тапсырмаларын орындау аясында әзірленді.

Құжат ақшаны жылыстату, елден капиталды шығару және көлеңкелі экономикаға қарсы іс-қимыл тәуекелдерін төмендету үшін банктік емес қаржы ұйымдарының қызметін реттеуді жетілдіруге бағытталған нормаларды қамтиды.

Заң Ұлттық банктің төлем ұйымдарының, төлем жүйелерінің қызметін реттеуді жетілдіру және банктік емес төлем ұйымдарының сервистерін заңсыз операциялар үшін пайдалануды болдырмау бөлігінде өкілеттіктерін бекітеді. Атап айтқанда: электрондық әмияндардың сәйкестендірілмеген пайдаланушылары арасында аударымдарға тыйым салу енгізіледі; электрондық ақшамен жасалатын операцияларға әр түрлі лимиттер белгіленеді; заңсыз операцияларға қарсы іс-әрекет мақсатында төлем жүйелерінің операторлары үшін міндеттер белгіленеді; дара кәсіпкерлер мен заңды тұлғаларға өздерінің төлем операцияларына қызмет көрсету үшін электрондық әмияндарды пайдалану мүмкіндігі беріледі.

Сонымен қатар Заң Ұлттық банктің кәсіпкерлік субъектілерінің банктік шоттарынан қолма-қол ақшаны алудың шекті мөлшерін және белгіленген шекті мөлшерден артық қолма-қол ақшаны алу тәртібін реттеу жөніндегі өкілеттіктерін бекітеді.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT