12:09, 05 Маусым 2018 | GMT +6
Қазақстанда доллардың үлесі азайып келеді -Ұлттық банк
АСТАНА. ҚазАқпарат - Сенаттың Қаржы және бюджет комитетінің кеңейтілген отырысында ҚР Ұлттық банк төрағасының орынбасары Алпысбай Ахметов Қазақстанның алтын-валюта қорының жағдайы туралы айтып берді, деп хабарлайды ҚазАқпарат.
«Биылғы бес айда алдын ала мәліметтер бойыша Ұлттық банктің алтын-валюта резервтері 1,4 пайызға өсті. Халықаралық резервтер Ұлттық қор активтерін қоса есептегенде 90,4 млрд АҚШ долларын құрады», - деді А. Ахметов.
Сонымен қатар ол елімізде долларсыздану процесі жалғасып келе жатқанын атап өтті.
«Ұлттық валютадағы депозиттер қаңтар-сәуірде 2,3 пайызға немесе 9,4 трлн теңгеге дейін өсті. Ал шетел валютасында 8 пайызға, яғни 7,7 трлн теңгеге дейін төмендеді. Жыл басынан бері шетел валютасындағы салымдар 47-ден 45 пайызға дейін азайды», - деді ҰБ өкілі.