+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Қазақстанда Денис Тен атындағы мəнерлеп сырғанау академиясы ашылады

2020 жылғы 19 шілде 12:28
Бөлісіңіз:
Қазақстанда Денис Тен атындағы мəнерлеп сырғанау академиясы ашылады

НҰР-СҰЛТАН. ҚазАқпарат - Алматыда мəнерлеп сырғанаудан Сочи Олимпиадасының қола жүлдегері Денис Тен атындағы Global Figure Skating мəнерлеп сырғанау академиясы ашылады, деп хабарлайды ҚазАқпарат тілшісі ҚР Мәдениет және спорт минисрлігінің баспасөз қызметіне сілтеме жасап.

Ұқсас жаңалықтар
Ономастика: Ақмола облысында 30-дан астам елді мекеннің атауы өзгертілген Алматыда қоғамдық орындарда дабыл батырмалары орнатылады Нұр-Сұлтанда ұлттық мектеп спорт лигасы өтіп жатыр

Жоба Мəдениет жəне спорт министрлігі, Алматы қаласының Мəдениет жəне спорт басқармасы мен спортшының анасы Оксана Тенмен бірлесіп жүзеге асырылып жатыр.

Global Figure Skating академиясы - кезінде Денис Теннің еліміздегі мəнерлеп сырғанау спортының деңгейін зерттей келе, жеке тəжірибесіне сүйене отырып, дайындалған жоба болатын. Академия Алматы қаласындағы мұз сарайының бірінің жанынан ашылады.

«Денис Тен атындағы Global Figure Skating мəнерлеп сырғанау академиясы Қазақстанда мəнерлеп сырғанау спортын дамытуға бағытталған бірыңғай орталық болады. Академия балалар арасында аталған спорт түрін бұқаралық деңгейге жеткізуге бағытталады. Қазір Оксана Тен Global Figure Skating академиясында балаларды баулу үшін Денисті жаттықтырған Татьяна Тарасова, Фрэнк Кэролл сынды даңқты бапкерлермен келіссөз жүргізіп жатыр.

Мəдениет жəне спорт министрлігі аталған академияның ашылуы елімізде мəнерлер сырғанау спортының дамуына серпін береді деп жоспарлап отыр. Ал Алматы қаласында мемлекеттік жəне жеке секцияларда 5 000-нан астам бала мəнерлеп сырғанаумен тұрақты шұғылданады. Академия ашылған соң, балалар бір орталықта дайындалады. Жуық арада жоба концепциясы мен қаржы көзі жайлы ақпарат белгілі болады», - делінген министрліктің хабарламасында.

Алдағы уақытта осындай академияны Нұр-Сұлтан қаласынан ашу жоспарда бар.


Біздің каналымызға жазылыңыз:

Бөлісіңіз:

Автор:

Аян Бекенұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT