Қазақстанда былтыр 430 мың тоннадан астам ет өндірілді

НҰР-СҰЛТАН. ҚазАқпарат - 2020 жылғы қаңтар-қараша айларында Қазақстанда ет өндіру көлемі (құс етін қоспағанда) 435 мың тоннадан асты. Бұл 2019 жылдың сәйкес кезеңімен салыстырғанда 3,2% артық, деп хабарлайды ҚазАқпарат.
ҚР Ауыл шаруашылығы министрлігінен мәлім еткендей, сондай-ақ, шұжық өнімдерін өндіру 12% (48-ден 53,8 мың тоннаға дейін), ет консервілерін өндіру 13,8% (7,7-ден 8,8 мың тоннаға дейін) артты.
Сиыр етінің экспорты өткен жылдың қаңтар-қазан аралығында 26,4 млн АҚШ долларын құрады.
«Отандық дайын өнім өндірісінің өсуі мал шаруашылығы және ет өңдеу салаларындағы мемлекеттік көмектің ұлғаюына байланысты болды. Сонымен қатар, өңдеуші кәсіпорындар қуатының артуына ҚР АШМ-ның өткен жылы тірі мал экспортына мораторий жариялауы оң әсерін тигізді. Бұл шара малдың елден жаппай шығарылуын тоқтатып қана қоймай, Президенттің тапсырмасына сәйкес дайын өнім өндірісінің көлемін ұлғайтуға мүмкіндік берді», - дейді министрліктен.
Айта кетейік, агроөнеркәсіп кешенін дамытудың 2017-2021 жылдарға арналған мемлекеттік бағдарламасы аясында ет өңдеушілер келесідей қолдау шаралары көрсетіледі:
1) жұмыс істеп тұрған зауыттарды жаңғыртуға және жаңа зауыттарды салуға инвестициялық салымдардың бір бөлігін өтеу (25% дейін);
2) айналым және негізгі құралдарға арналған несиелер бойынша сыйақының пайыздық мөлшерлемесін субсидиялау;
3) «Қарапайым заттар экономикасы» бағдарламасы шеңберінде, оның ішінде ет және құс етін өндірушілерге жеңілдікпен несие беру қарастырылған.
Сонымен қатар, ҚР АШМ өгізшелерді ет өңдеу кәсіпорындарына тапсыру кезінде фермерлерді субсидиялау шараларын енгізді. Мал өсірушілер мемлекеттен қосымша бір келі тірі салмақ үшін 200 теңгеден ала алады.
- ҚР АШМ қызанақ экспортына Ресейдің тыйымына қатысты: Жасанды кедергі
- 2020 жылдың 11 айында Қазақстанда 430 мың тоннадан астам ет өндірілді – ҚР АШМ
- СҚО-да шаруа қожалығы балдыр өсіріп, жемазық ретінде қолдануда
- Агросаладағы сұрақтарға жылдам жауап беретін Telegram-бот іске қосылды
-
Архимед Мұхамбетов: Жергілікті шаруа қожалықтарын дамытуымыз қажет
-
Америкалық «Valmont Industries» Қазақстанда алдыңғы қатарлы суару жүйелері зауытын ашады
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам