+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Қазақстанда биылғы үздік әлеуметтік жобалар анықталды

2019 жылғы 30 қазан 15:13
Бөлісіңіз:
Қазақстанда биылғы үздік әлеуметтік жобалар анықталды

НҰР-СҰЛТАН. ҚазАқпарат - Нұр-Сұлтан қаласында арнайы комиссияның отырысы өтті, онда «Қазақстанның үздік әлеуметтік жобалары» республикалық конкурсының финалына шыққан 14 жоба анықталды, деп хабарлайды ҚазАқпарат.

«Биыл конкурсқа қатысуға 224 өтінім келіп түсті,оның ішінде өңірлік кезең барысында 57 жоба таңдап алынды. Алпысқа жуық жобаны қарап шыққан комиссия мүшелері «Қазақстанның үздік әлеуметтік жобалары» республикалық көрмесінің қатысушыларын анықтады. Олардың ішінде Алматы қаласынан 4 жоба, Жамбыл облысынан 2 жоба, Шымкент қаласынан, Павлодар, Қостанай, Алматы, Ақтөбе, Түркістан, Батыс Қазақстан және Солтүстік Қазақстан облыстарынан 1 жоба», - делінген Еңбек және халықты әлеуметтік қорғау министрлігінің мәліметінде.

«Комиссия мүшелері мұқтаж азаматтарға волонтерлік көмек көрсетуге, мүгедектігі бар адамдарды жаңа дағдыларға үйретуге және мүгедек балаларды күтім жасауға бағытталған жобаларды ерекше атап өтті. Сонымен қатар осы жылы өте қызықты экологиялық жоба ұсынылды. Іріктелген 14 жобаның әрқайсысын бүкіл ел бойынша іске асыруға енгізуге болады деп сеніммен айта аламыз. Жыл сайын бұл конкурс үлкен танымалдыққа ие болып, қатысушылардың саны өсіп келеді. Мұнда мүгедектігі бар адамдармен жұмыс істейтін ҮЕҰ үлкен рөл атқарады. Ең бастысы, мүгедектігі бар адамдардың өздері белсенді өмір сүріп қана қоймай, қиын өмірлік жағдайға тап болған басқа адамдарға көмектесу үшін жұмыс істейді», – деді комиссия төрағасының орынбасары, «Еңбек ресурстарын дамыту орталығы» АҚ-ның президенті Тамара Дүйсенова.

Конкурс жеңімпаздарын марапаттау рәсімі ағымдағы жылғы 1 қарашада Нұр-Сұлтан қаласындағы Тәуелсіздік сарайында «Қазақстанның үздік әлеуметтік жобалары» республикалық көрмесінен кейін өтеді.

Конкурсқа қатысуға 2013 жылдан 2019 жылға дейін 1 192 өтінім келіп түскенін, оның ішінде 228 әлеуметтік жоба өңірлік деңгейде және 19 республикалық деңгейде жеңімпаз деп танылғанын атап өткен жөн.

Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT