Қазақстанда бензин өндірісі қаңтарда 30,9 пайызға артты

АСТАНА. ҚазАқпарат - Қазақстанда 2019 жылдың қаңтарында бензин өндіру көрсеткіші 378,9 мың тоннаға жетіп, 2018 жылдың осы кезеңімен салыстырғанда 30,9 пайызға артты, деп хабарлайды ҚазАқпарат Статистика комитетіне сілтеме жасап.

Есепті кезеңде 60,7 мың тонна керосин (өткен жылдың қаңтар-қараша айларымен салыстырғандағы өсім - 57,2 пайыз), 220,7 мың тонна сұйытылған пропан және бутан (+7 пайыз), 395,9 мың тонна газойль (+9,4 пайыз), 245,4 мың тонна мазут (-29%) өндірілді.

Сондай-ақ, 180,5 мың тонна ферроқорытпа (+5,4%), 69,9 мың тонна жазық прокат (-72,3%), 10,4 мың тонна тазартылған қорғасын (-20,7%), 27,4 мың тонна мырыш (-3,5 пайыз), 36,7 мың тонна тазартылған мыс (+2,8%) өндірілген.