Қазақстанда бензин өндірісі қаңтарда 11,2 пайызға артты

НҰР-СҰЛТАН. ҚазАқпарат - Қазақстанда 2019 жылдың қаңтар-наурызында бензин өндіру көрсеткіші 916,5 мың тоннаға жетіп, 2018 жылдың осы кезеңімен салыстырғанда 11,2 пайызға артты, деп хабарлайды ҚазАқпарат Статистика комитетіне сілтеме жасап.

Есепті кезеңде 167,8 мың тонна керосин (өткен жылдың қаңтар-наурыз айларымен салыстырғандағы өсім - 126,8 пайыз), 622,7 мың тонна сұйытылған пропан және бутан (+5,3 пайыз), 1 103,8 мың тонна газойль (+4,7 пайыз), 867,3 мың тонна мазут (-5,5%) өндірілді.

Сондай-ақ, 529,5 мың тонна ферроқорытпа (+7,1%), 390,9 мың тонна жазық прокат (-48%), 32,4 мың тонна тазартылған қорғасын (-16,8%), 80,2 мың тонна мырыш (-2,9 пайыз), 114,1 мың тонна тазартылған мыс (+10,1%) өндірілген.

Автор: Асхат Ахметбеков