+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Қазақстанда барлық мемлекеттік органдар мен аймақтар бойынша бос жұмыс орындарының бірыңғай порталы құрылады

2015 жылғы 28 қаңтар 10:20
Бөлісіңіз:
Қазақстанда барлық мемлекеттік органдар мен аймақтар бойынша бос жұмыс орындарының бірыңғай порталы құрылады

АСТАНА. ҚазАқпарат - Мемлекеттік қызмет істері және жемқорлыққа қарсы күрес агенттігінде Қайрат Қожамжаровтың төрағалығымен мемлекеттік қызметті жетілдіру мәселелері бойынша кеңейтілген кеңес өткізілді.

Бұл туралы ҚР Мемлекеттік қызмет істері және жемқорлыққа қарсы күрес агенттігінің баспасөз қызметінен хабарлады.

Кеңеске агенттіктің құрылымдық және аймақтық бөлімшелерінің басшылары қатысты. Отырыс барысында мемлекеттік қызметті одан әрі жетілдіру, мемлекеттік қызметтерді көрсету сапасын қамтамасыз ету, тәртіптік бақылауды іске асыру қадамдары қарастырылды.

Жиында тестілеуді жаңғырту, мемлекеттік қызметкерлерді оқыту, олардың қызметте алға жылжуы мәселелеріне ерекше назар аударылды.

Талқылау қорытындылары бойынша мемлекеттік қызметті дамыту мәселелерін шешуге байланысты жоспар құрылды. Мемлекеттік қызметкердің кәсіби және жеке қасиеттерінің профилін жасау қызметкерлерді басқаруды жетілдіру шараларының бірі болмақ.

Жоспарда сондай-ақ байқау іріктеуінің ашықтығын арттыру, тестілеудің шекті мәнін есептеуді қайта қарастыру, «Б» корпусының кадрлық резервін мақсатты топтар (жұмыс тәжірибесімен және тәжірибесіз) бойынша қалыптастыру бойынша шаралар көрініс тапқан.

Мемлекеттік қызметте жұмыс іздеуді жеңілдету үшін үміткерлерге арналған барлық мемлекеттік органдар мен аймақтар бойынша бос жұмыс орындарының бірыңғай порталы құрылады.

Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT