Қазақстанда бәр тәулікте 36 адамнан коронавирус анықталды

АСТАНА. ҚазАқпарат – Өткен бір тәулікте ел өңірлерінде коронавирусқа шалдығудың 36 жағдайы анықталды, деп хабарлайды ҚазАқпарат ҚР ДСМ Санитариялық-эпидемиологиялық бақылау комитетіне сілтеме жасап.

19 наурыздағы жағдай бойынша, 1 801 адам коронавирус инфекциясынан (коронавирустан (КВИ+) – 1 628, коронавирус пневмониясынан (КВИ-) – 173) емделуде, олардың ішінде 135 пациент стационарда, 1 666 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
- 2 адамның жағдайы ауыр,
- 4 пациенттің жағдайы өте ауыр,
- 1 науқас өкпені жасанды тыныс алдыру аппаратына қосылған.

Айта кетейік, 17 наурыз күнгі тәулік ішінде 77 адам коронавирус инфекциясын жұқтырған. Төрт адам пневмонияға шалдықты.