00:13, 24 Қаңтар 2018 | GMT +6
Қазақстанда аяздың беті 24 қаңтарда да қайтпайды
АСТАНА. ҚазАқпарат - «Қазгидромет» РМК 24 қаңтарға арналған ауа райы болжамын ұсынады, деп хабарлайды ҚазАқпарат.
Антициклонның әсерінен, Қазақстанның басым бөлігінде ауа райы жауын-шашынсыз болады. Тек батыста аздаған жауын-шашын күтіледі.
Ақмола, Қостанай, Атырау, Ақтөбе, Жамбыл, Қарағанды облыстарының кей жерлерінде жаяу бұрқасын болып, желдің жылдамдығы 15-23 м/с жетеді.
Жамбыл, Қарағанды облыстарының кей жерлерінде тұман болады.
Оңтүстік Қазақстан, Қызылорда, Батыс Қазақстан, Солтүстік Қазақстан, Шығыс Қазақстан облыстарының кей жерлерінде жел 15-25 м/с күшейеді, ОңтүстікҚазақстан, Қызылорда, Шығыс Қазақстан, Маңғыстау, Павлодар облыстарының кей жерлерінде тұман түседі.