+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Қазақстанда автобус тасымалы көбейіп, такси тұтынушылары азайды

2020 жылғы 27 қаңтар 20:48
Бөлісіңіз:
Қазақстанда автобус тасымалы көбейіп, такси тұтынушылары азайды

НҰР-СҰЛТАН. ҚазАқпарат – Қазақстанда жолаушылар тасымалы бір жылда 3,5%-ға өсті, деп хабарлайды ҚазАқпарат Еnergyprom.kz ресурсына сілтемемен.

Ұқсас жаңалықтар
Қазақстанның ЕАЭО елдерімен өзара саудасы 21296 млн долларды құрады Қазақстан халқының саны 18 млн 630 мыңнан асты Өткен жылы 24 мың қазақстандық жол-көлік оқиғасынан зардап шекті

2019 жылы Қазақстанда 4,2 млрд тонна жүк тасымалданды, бұл өткен жылғы кезеңмен салыстырғанда 3,3%-ға көп. 2018 жылы бұл көрсеткіш 4,1 млрд тоннаны құраған.

Он екі айдағы жүк айналымы 609,3 млрд тоннаны құрап, бір жылда 2,2% өсімді көрсеткен.

Жүк көліктері барлық жүк тасымалының 83,8% құрады (3,6 млрд тонна). Тағы 0,4 млрд тонна жүк (тасымалдаудың 9,6%) теміржол көлігімен тасымалданған.

2019 жылдың 12 айында жолаушылар тасымалы бір жыл бұрынғы 23,02 млрд жолаушыға қарағанда 23,83 млрд жолаушыға жетті (өсім 3,5%). Жолаушылар айналымы 295,2 млрд шақырымға жетті, бұл көрсеткіш бір жылда 4,9%-ға өсті (2018 ж. - 281,5 км.).

Әдетте жолаушылар тасымалы бойынша негізгі ауыртпалық автомобиль және қалалық электрлік көліктеріне түседі: бұл сегментте 2019 жылы 23,8 млрд жолаушы тасымалданды, бір жыл бұрын бұл көрсеткіш 22,99 млрд адамды құраған (өсім 3,5%).

Көлік түрлері бойынша негізгі тасымалдаушы – автобустар (17,5 млрд жолаушы – өткен жылғы көрсеткіштен 5,9% көбірек) мен такси (6,2 млрд жолаушы – өткен жылғы көрсеткіштен 2,9% аз) болып отыр.

2019 жылы әуе көлігімен 8,6 миллион жолаушы сапарлаған, ал бір жыл бұрын - 7,9 миллион жолаушы тасымалданған еді (9,6% өсім).

Жолаушылар мен жүк тасымалы қызметтерін ұсынатын кәсіпорындардың кірісі 2018 жылы 2,8 трлн теңге болса, 2019 жылы 3,1 трлн теңгені құрады.


Біздің каналымызға жазылыңыз:

Басты сөздер: Статистика, Көлік,
Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT