Қазақстанда ауа температурасы 40 градусқа дейін төмендейді

НҰР-СҰЛТАН. ҚазАқпарат– Еліміздің солтүстік өңірлерде ауа температурасының -32 - 40℃ дейін төмендейді, деп хабарлайды ҚазАқпарат «Қазгидромет» РМК-ға сілтеме жасап.

«Салехард аудандарынан суық антициклон Қазақстанның ауа райына әсер етеді. Жауын-шашынның тоқтатылуы және ауа температурасының төмендеуі ықтимал: оңтүстік аймақтарда -10...-20℃ дейін, солтүстік аймақтарда -32...-40℃ дейін. Еліміздің кей жерлерінде тұман және желдің күшеюі күтіледі», делінген Қазгидромет хабарламасында.

Бұдан бұрын синоптиктер республиканың басым бөлігінде қар жауатындығын, ал елдің оңтүстігі мен оңтүстік-шығысында жаңбыр мен қар түрінде жауын-шашын болатындығын мәлім еткен болатын. Сондай-ақ республиканың кей жерлерінде тұман, көктайғақ, жаяу бұрқасын, екпінді жел сақталады. Оңтүстік, оңтүстік-шығыста желдің жылдамдығы тіпті 30 м/с және одан асуы ықтимал.