Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Қазақстанда «АрМИ-2019» ойындары басталды

2019 жылғы 7 тамыз 12:52 213
Бөлісіңіз:
Қазақстанда «АрМИ-2019» ойындары басталды

АЛМАТЫ-ОТАР. ҚазАқпарат – Жамбыл облысының «Отар» 40-әскери базасында «АрМИ-2019» халықаралық армиялық ойындары басталды, деп хабарлайды ҚазАқпарат тілшісі.


Сайысқа әлемнің 13 мемлекетінен келген әскерилер бақ сынап жатыр.

Ашық әскери ойындардың ашылу салтанатында ҚР Қорғаныс министрі Нұрлан Ермекбаев, РФ Қорғаныс министрінің орынбасары Александр Фомин қатысып жатыр.

«РФ Қарулы күштерінің бастамасымен басталған халықаралық армия ойындары биыл 5 жыл қатарынан өткізіліп жатыр. 5 жылда сайыстардың мазмұны кеңейіп, маңызы арта бастады. 39 елдің әскерилері қатысып жатыр. 10 мемлекет территориясында жарыс өтіп жатыр. Байқаулар саны 14-тен 32-ге артты. Бұл ойындардың дәрежесі бұрынғыдан да артып, халықаралық жарыстардың деңгейіне жетеді деген ойдамыз. Көшпенді халықтарда ұлттық ойындардың көбі ер азаматтардың әскери қабілетін арттыруға бағытталған.

ҚР Тұңғыш Президенті Нұрсұлтан Назарбаев «Ұлы даланың 7 қыры» мақаласында тарихымыздың бірінші қырын әскери істегі үлкен төңкерісті атады. Бұл ойындар Қазақстанда төртінші рет өтіп жатыр. Бұл біз үшін мақтаныш. Себебі Қазақстан түрлі елдердің әскери техникалық байланысының артуына үлес қосып жатырмыз», - деді ҚР Қорғаныс министрі Нұрлан Ермекбаев.


«Отар» әскери базасының территориясында 7-15 тамыз аралығында Әзербайжан, Армения, Беларусь, Венесуэла, Зимбабве, Мысыр, Иран, Қырғызстан, Ресей, Сирия, Тәжікстан, Өзбекстан, Қытай елдерінен әскерилер дронды ұшыру, артиллериялық қарудан оқ атудан бақ сынайды.


Артиллериялық қарудан оқ атуға 12 елдің әскерилері қатысса, пилотсыз ұшақ ұшырудан 4 ел бақ сынайды.

Байланысшылар сайысында байланысшы әскерилер басқару дабылдарын қабылдау, қабылдау стансасын ашу, байланыс торабын ауыстыру машығын көрсетеді.


Қазақстан Қарулы күштерінің өкілдері 3 байқауға да қатысып қана қоймай, шетелдерде өтіп жатқан 13 байқауға да қатысып жатыр.


Барлығы 32 спорт түрі болса, қазақстандықтар 16 спорт бойынша қатысады.


Айта кетерлігі, АрМИ-2019 халықаралық әскери ойындары 3 тамызда РФ территориясында «Патриот» көрме кешенінде басталды.





















Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT