+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Қазақстанда Армениядан әкелінген 11 мың көлік тіркеуден өтті - министрлік

2020 жылғы 21 тамыз 15:37
Бөлісіңіз:
Қазақстанда Армениядан әкелінген 11 мың көлік тіркеуден өтті - министрлік

НҰР-СҰЛТАН. ҚазАқпарат – Қазіргі кезде Армениядан Қазақстанға жеткізілген 11 мың автокөлік тіркелді. Бұл туралы ҚР ІІМ Әкімшілік полиция комитеті төрағасының орынбасары Серік Түсіпов мәлім етті, деп хабарлайды ҚазАқпарат тілшісі.

«Мемлекет басшысының тапсырмасы бойынша Армениядан жеткізілген автомобильдерді тіркеу тетігін Үкімет әзірлеген болатын. 20 мамырда Үкімет қаулысы қабылданып, онда осы көліктерді тіркеудің нақты тәртібі айқындалды. Азаматтар үшін тіркеу талаптары айтарлықтай қолайлы. 1 маусымнан тіркеу шаралары басталды. Бүгінде тіркеу талаптарына еніп тұрған 14 мың көліктің 11 мыңға жуығы тіркелді. Күн сайын шамамен 400-ден астам автомобиль тіркеуден өтіп жатыр», - деді С. Түсіпов Орталық коммуникациялар қызметінде.

Оның сөзіне қарағанда, Армениядан жеткізілген осы көліктер Қазақстанда тіркелгеннен кейін, оны пайдалану мерзіміне шектеу жасалмайды. Егер көлік иесі өзінің көлігін Қазақстандағы тіркеуден шығарғысы келсе, ол тиісті мерзімге көлік салығын төлеп, қазақстандық нөмір мен техпаспортты тапсырып, мамандандырылған халыққа қызмет көрсету орталығында армян техпаспорты мен мемлекеттік нөмірін қайтарып алады.

Еске сала кетейік, басқару органдары сол жақта орналасқан, Армения Республикасының уәкілетті органдарында Қазақстан азаматтарына тіркелген және олар Қазақстанға 2020 жылғы 1 ақпанға дейін әкелген автомобильдер тіркеуге жатады (Қазақстан Республикасы Үкіметінің ағымдағы жылғы 20 мамырдағы№ 306 қаулысы).


Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT