Қолданушы баптаулары
Қолданушы баптаулары
+7 (701) 759 90 19 Лента
USD 377.33 EUR 424.68
RUB 5.92 CNY 56.17
Jańalyqtar

Қазақстанда әрбір екінші отбасы ажырасады - статистика

2019 жылғы 11 қаңтар 13:00 1003
Бөлісіңіз:
Қазақстанда әрбір екінші отбасы ажырасады - статистика

АСТАНА. ҚазАқпарат - Қазақстанда ерлі-зайыптылардың ажырасуы белең алды. Бұл туралы «Қазақстан әйелдері қауымдастығы» қоғамдық бірлестігінің президенті Гүлнар Байымбетова Астанада өткен арнайы отырыста мәлімдеді.

Ұқсас жаңалықтар
Ерлі-зайыптыларды татуластыруға қосымша уақыт беру керек - сенатор

«Қазіргі уақытта Қазақстанда отбасы мен қоғамдағы гендерлік теңдік мәдениетіне баса назар қойылып отыр. «Тұрмыстық зорлық-зомбылық профилактикасы туралы», «Неке және отбасы туралы» заңдар, 2030 жылға дейінгі ҚР отбасылық және гендерлік саясат тұжырымдамасы қабылданды. Бұл заңнамалар Тұрақты даму мақсаттарының бірі - гендерлік сезімтал қоғамдық сананы қалыптастыруға бағытталаған. Бірақ, іс жүзінде қазіргі механизмдер жеткіліксіз», - деді Г. Байымбетова Астанада өткен «Бала аумағы - бақыт аумағы» отырысында.

Оның айтуынша, Қазақстанда әрбір екінші неке ажырасумен аяқталады, оның 83%-ының ортақ балалары бар. 400 000 ана балаларын жалғыз тәрбиелеп отырса, 60 000 жалғызбасты әке бар. 

«Келешек» психологиялық орталығының директоры, Астана қаласы әкімі жанындағы әйелдер ісі және отбасы-демографиялық саясат комиссиясының мүшесі Наталья Семененко елордадағы жағдайдың да мәз еместігін жеткізді.
Қазақстанда әрбір екінші отбасы ажырасады - статистика 

«Ажырасушылар саны өте көп. Статистикалық дерек бойынша, Астанада әрбір үшінші отбасы ажырасады. Қазақстанның солтүстік өңірлерінде - әрбір екінші отбасының шаңырағы шайқалады. 82%-ының ортақ балалары бар. Өткен жылы Қазақстанда 40 мыңнан астам ажырасу фактісі тіркелді», - деді Н. Семененко.

Британдық «The Economist» басылымының әлемдік рейтингінде Қазақстан ажырасу саны бойынша 10-орында тұр. Сарапшылар неке бұзылғаннан кейінгі балалардың тұратын жері мен ата-аналардың баламен қарым-қатынас уақыты туралы дау-дамайдың да айтарлықтай өскенін жеткізді.

 

 

Біздің каналымызға жазылыңыз:

Басты сөздер: Қоғам, Нұр-Сұлтан,
Бөлісіңіз:

Автор:

Айжан Серікжанқызы

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT