+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Қазақстанда апта ішінде болған кадрлық тағайындаулар

2020 жылғы 23 ақпан 10:55
Бөлісіңіз:
Қазақстанда апта ішінде болған кадрлық тағайындаулар

НҰР-СҰЛТАН. ҚазАқпарат - Осы аптада Қазақстанның Украина мен Ирактағы және Палестинадағы Елшілері тағайындалып, орталық және жергілікті мемлекеттік органдарда, өңірлік атқарушы билікте бірқатар кадрлық ауыс-түйіс болды. ҚазАқпарат оқырман назарына осы тағайындауларды ұсынады.

Мемлекет басшысының Жарлықтарымен: Дархан Аманұлы Кәлетаев Қазақстан Республикасының Украинадағы Төтенше және Өкілетті Елшісі қызметіне; Қазақстан Республикасының Иордан Хашимиттік Корольдігіндегі Төтенше және Өкілетті Елшісі Айдарбек Ануарбекұлы Тұматов Қазақстан Республикасының Ирак Республикасындағы, Палестина Мемлекетіндегі Төтенше және Өкілетті Елшісі қызметін қоса атқарушы қызметіне тағайындалды.

Дархан Аманұлы 1972 жылы 14 қазанда Шығыс Қазақстан облысында туған.

Шығыс Қазақстан мемлекеттік университетін тарихшы мамандығы бойынша және Қазақстан Республикасы Президентінің жанындағы Ұлттық Жоғары мемлекеттік басқару мектебін бітірген. Саясаттану ғылымдарының докторы. Еңбек жолын 1995 жылы Қазақстан Республикасы Министрлер кабинеті жанындағы Тіл комитетінде маман ретінде бастаған. 1995-1996 жылдары Қазақстан Республикасы Ұлттық саясат жөніндегі мемлекеттік комитетінің бас маманы болды. 1997 жылы ҚР Білім және мәдениет министрлігі Тіл саясатын үйлестіру департаментінің басқарма бастығының орынбасары болды. 1997-2002 жылдары ҚР Ақпарат және қоғамдық келісім министрлігінің Жастар саясаты бөлімінің бастығы, Ішкі саясат департаменті директорының орынбасары қызметтерін атқарды. 2002 жылы ҚР Мәдениет, ақпарат және қоғамдық келісім министрлігіне Жастар саясаты департаментінің директоры болып ауысады. 2002-2007 жылдары Ішкі саясат басқармасының сектор меңгерушісі, Ішкі саясат бөлімінің меңгерушісі, Ішкі саясат басқармасының әлеуметтік-саяси бөлімінің меңгерушісі, ҚР Президенті Әкімшілігінің Мемлекеттік бақылау және ұйымдастыру жұмысы бөлімінің меңгерушісі болып жұмыс істеді.

2007-2008 жылдары ҚР Президенті Әкімшілігі Басшысының орынбасары болды. 2009-2016 жылдары «Самұрық-Қазына» Ұлттық әл-ауқат қоры» АҚ-ның Басқарушы директоры. 2018 жылы ҚР Дін істері және азаматтық қоғам министрі болып тағайындалды. 2018-2019 жылдары ҚР Қоғамдық даму министрі қызметін атқарды. 2019 жылы ҚР Премьер-Министрі Кеңсесінің басшысы болды.

Қазақстанның Украинадағы Елшісі лауазымына тағайындалғанға дейін ҚР Президент Әкімшілігі Басшысының бірінші орынбасары қызметін атқарды.

1967 жылы Алматы қаласында дүниеге келген Айдарбек Ануарбекұлы Санкт-Петербург мемлекеттік университетінін, Т.Рысқұлов атындағы Қазақ экономика университетін бітірген. Қазақстанның Түркиядағы Елшілігінің екінші, бірінші хатшысы, ҚР СІМ Экономикалық және гуманитарлық ынтымақтастық департаментінің басқарма, бөлім бастығы, Қазақстанның Дубайдағы Бас консулдығының бірінші хатшысы, Қазақстанның БАӘ-дегі Елшілігінің кеңесшісі, ҚР СІМ Ақпараттық-сараптамалық департаменті директорының орынбасары, басқарма бастығы, Жан-жақты ынтымақтастық департаменті директорының орынбасары, Азия және Африка департаментінің директоры қызметтерін атқарған. 2019 жылы Қазақстан Республикасының Иордан Хашимит Корольдігіндегі Төтенше және Өкілетті Елшісі болып тағайындалған.

ҚР Үкіметінің 2020 жылғы 21 ақпандағы Қаулысымен Қайрат Болатұлы Рахымов Қазақстан Республикасының Энергетика вице-министрі лауазымына тағайындалды.

Қайрат Рахымов 1985 жылы Қарағанды облысы, Теміртау қаласында дүниеге келген. Қарағанды мемлекеттік техникалық университетін, Қазтұтыну одағы Қарағанды экономикалық университетін және Сеул ұлттық университетін тәмамдаған. Еңбек жолын 2006 жылы Қарағанды қаласында «Қарағанды-Жарық» ЖШС-да электромонтер болып бастаған.

2007-2015 жылдары ҚР Энергетика министрлігінде және Табиғи монополияларды реттеу агенттігінде сарапшы, бас сарапшы, басқарма басшысы лауазымдарын атқарған. 2015-2018 жылдары - ҚР Энергетика министрлігі Электр энергетикасы және көмір өнеркәсібі департаменті директорының орынбасары. 2018 жылғы шілдеден бастап қазіргі таңға дейін ҚР Энергетика министрлігінің Электр энергетикасы департаментінің директоры қызметін атқарды.

Павлодар облысы әкімінің орынбасары қызметіне Президент кадр резервінің мүшесі Сәкен Бейімбетұлы Шаяхметов тағайындалды.

Ол 1990 жылы 2 мамырда Алматы қаласында дүниеге келген. АҚШ-тың Техас университетін (The University of Texas) «Мұнай-газ ісі» және «Экономика» мамандықтары бойынша тәмамдаған. МВА дәрежесін Қытай-Европа халықаралық бизнес мектебінде (China Europe International Business School) алған, сондай-ақ құқық пен дипломатия саласындағы гуманитарлы ғылымдар магистрі (The Fletcher School of Law and Diplomacy, Tufts University). Оқу кезінде жыл сайын Chevron (АҚШ), J.P. Morgan (Ұлыбритания), Citibank (Алматы), World Bank (АҚШ) сынды компанияларда арнайы ақылы тағылымдамалардан өткен. Еңбек жолын 2011 жылы Атырау облысындағы «Болашақ» зауытында механиктің көмекшісі болып бастады. 2012-2014 жылдары Caspi Meruerty Operating Company B.V. компаниясында экономист болып қызмет етті. Кейін 2017 жылға дейін магистратурада білім алды. 2017 жылы мемлекеттік қызметке ауысты. 2017-2018 жылдары ҚР Премьер-Министрінің кеңесшісі, ал 2018 жылдың желтоқсанынан бастап ҚР Премьер-Министрі Кеңсесі басшысының орынбасары лауазымдарын атқарған.

Ал оның орнына Арыстан Қабыкенов ҚР Премьер-Министрі Кеңсесі басшысының орынбасары болып тағайындалды.

Арыстан Қабыкенов 1980 жылы 11 қазанда Жезқазған қаласында дүниеге келген. 2002 жылы Байқоңыров атындағы Жезқазған университетін, 2004 жылы — КИМЭП, 2012 жылы Ноттингем университетін (Ұлыбритания) тәмамдаған. Еңбек жолын 2001 жылы жекеменшік секторда бастаған. 2004–2006 жылдары Қаржы министрлігінде түрлі лауазымдарда болды. 2006–2008 жылдары ҚР Премьер-Министрі Кеңсесінің Макроэкономикалық талдау және бағдарламалық мониторинг бөлімінің сектор меңгерушісі қызметін атқарды. 2008–2011 жылдары ҚР Президенті Әкімшілігінде жұмыс істеді. 2011–2015 жылдары ҚР Президенті жанындағы Стратегиялық жобалар және талдау орталығында, Өңірлік даму министрлігінде, сондай-ақ Ұлттық экономика министрлігінде қызмет еткен. 2015–2016 жылдары ҚР Премьер-Министрі Кеңсесінің басшысының орынбасары болған. 2016 жылдың қазан айынан бастап 2018 жылғы қаңтар айына дейін Қазақстанның Жапониядағы елшілігінің кеңесшісі қызметін атқарған. 2018-2019 жылдары Қазақстан Республикасы Инвестициялар және даму вице-министрі болып қызмет етті. 2019 жылдың наурыз айынан қазірге дейін Павлодар облысы әкімінің орынбасары лауазымында болды.

Президенттік жастар кадр резервінің мүшесі Дастан Рыспеков ҚР Мәдениет және спорт министрлігі Туризм индустриясы комитетінің төрағасы қызметіне тағайындалды.

Дастан Адайұлы 1984 жылы Жезқазған қаласында туған. Әл-Фараби атындағы Қазақ Ұлттық университетін және ҚазМЗУ Алматы заң академиясын бітірген. Еңбек жолын 2006 жылы Алматы қаласындағы Экономика және бюджетті жоспарлау департаментінің болжамдау және түсімдер бөлімінің бас маманы ретінде бастаған. 2007-2016 жылдары Алматы қаласында Экономика және бюджеттік жоспарлау департаментінде, Алматы қаласы бойынша Тексеру комиссиясында, Астана қаласы республикалық бюджеттің атқарылуын бақылау жөніндегі есеп комитетінде басшылық лауазымдарда жұмыс істеді. 2018-2019 жылдары — Павлодар облысы кәсіпкерлік, сауда және туризм басқармасының басшысы. 2019 жылдың сәуір айынан бастап «Астана Экспо-2017» ҰК» АҚ Экономика және бюджетті жоспарлау департаментінің директоры қызметін атқарды.

Майра Тұрғанбайқызы Мелдебекова ҚР Білім және ғылым министрлігінің Мектепке дейінгі және орта білім комитетінің төрағасы болып тағайындалды.

Майра Мелдебекова 1971 жылы Қызылорда облысында дүниеге келген. 1993 жылы Абай атындағы Алматы мемлекеттік университетін «Физика және информатика оқытушысы» мамандығы бойынша бітірген. Еңбек жолын 1988 жылы Қызылорда облысындағы «Жас сұңқар» пионер лагерінің тәрбиешісі болып бастаған. 1993-2005 жылдары Шымкент қаласы Алматы және Шығыс Қазақстан облыстарының орта мектептерінде қазақ тілі, математика және информатика пәндерінің мұғалімі болып жұмыс істеген. 2005-2018 жылдары ҚР Білім және ғылым министрлігінің жүйесінде басшылық қызметтерді атқарған 2018 жылдан бастап Қызылорда облыстық білім басқармасының басшысы қызметін атқарды.

Мемлекет басшысының келісіміне сәйкес, ҚР Бас прокурорының бұйрығымен Түркістан облысының прокуроры қызметіне Алиханов Марат Тілеуқабылұлы тағайындалды.

Марат Алиханов бұрынғы Целиноград облысының Есіл қаласында 1965 жылы туған. Е.Бөкетов атындағы Қарағанды мемлекеттік университетін «құқықтану» мамандығы бойынша бітірген. Еңбек жолын 1989 жылы Ақтөбе облысының Ақтөбе қалалық прокуратурасында тағылымдамашы-тергеуші қызметінен бастаған. Ақсу ауданының соты, Павлодар облысының Екібастұз ауданы, Ақсу қаласы мен Павлодар ауданының прокуроры қызметтерін атқарған. Прокуратура органдарында тәжірибесі мол, оның ішінде басшылық лауазымдарда. ҚР Бас прокуратураның Басқарма мен Құқықтық статистика және арнайы есепке алу жөніндегі комитетінде және Ақмола облысында құқық қорғау органдарының басшылық құрамында, ҚР Бас көлік прокуроры болып қызмет атқарған. Осы күнге дейін Павлодар облысы прокурорының бірінші орынбасары лауазымында қызмет етті. Прокуратура органдарындағы еңбек өтілі 24 жылдан асады.

Қоғамдық тәртіп пен заңдылықты қамтамасыз ету қызметінде қол жеткізген табыстары мен ерен еңбегі үшін Мемлекет басшысының бұйрығымен ІІ дәрежелі «Айбын» ордені мен «Қазақстан Республикасының Тәуелсіздігіне 20 жыл» және «Қазақстан Конституциясына 10 жыл» толуына орай шығарылған мерейтойлық медальдарымен марапатталған.

Қазақстан Республикасы Бас прокурорының бұйрығымен аға әділет кеңесшісі Қанат Есіркепұлы Мамаев Жамбыл облысы прокурорының бірінші орынбасары болып тағайындалды.

Қ.Мамаев 1974 жылы туған. «Әл-Фараби» атындағы Қазақ мемлекеттік ұлттық университетін «құқықтану» мамандығы бойынша бітірген. Прокуратура органдарындағы қызметін 1996 жылы бастады. Оңтүстік Қазақстан облысының Сарыағаш, Алматы қаласының Алатау, Алмалы, Медеу аудандары прокуроры, Алматы қаласы және Қостанай облысы прокурорларының орынбасары қызметтерін атқарған. 2019 жылдың қыркүйегінен - Ақмола облысы прокурорының бірінші орынбасары лауазымында болды. Прокуратура органдарындағы жұмыс өтілімі 23 жылдан асады.

ҚР Президенті Әкімшілігінің келісімімен Жамбыл облысы әкімінің орынбасары болып Ержан Жылқыбаев тағайындалды.

Ержан Жұматұлы 1982 жылы туған. Білімі – жоғары. 2003 жылы М.Әуезов атындағы Оңтүстік Қазақстан мемлекеттік университетін экономист-менеджер мамандығы бойынша бітірген. 2006 жылы Қазақстан Республикасы Президентінің жанындағы Мемлекеттік басқару академиясын мемлекеттік және жергілікті басқару магистрі мамандығы бойынша, 2011 жылы С.Аманжолов атындағы Шығыс Қазақстан мемлекеттік университетін құқықтану мамандығы бойынша тәмамдаған.

Еңбек жолын 2003 жылы Оңтүстік Қазақстан облыстық Экономика департаментінің бас маманы болып бастаған. Әр жылдары ҚР Экономика және бюджеттік жоспарлау министрлігі мемлекеттік активтер басқармасының саясат департаментінің бөлім бастығы, Шығыс Қазақстан облысы әкімінің аппарат басшысының орынбасары, ШҚО Семей қаласы әкімінің орынбасары, Шығыс Қазақстан облысы әкімінің аппарат басшысы, ҚР Президенті Әкімшілігінің мемлекеттік инспекторы (Жамбыл облысына жетекшілік етті), Алматы қаласы Медеу ауданының әкімі лауызымдарында болған.

Қарағанды облысы бойынша Қылмыстық-атқару жүйесі департаментінің бастығы қызметіне Ғазиз Такешев тағайындалды.

Ғазиз Такешев 1970 жылы Қарағанды облысы Қаражал қаласында дүниеге келген. 2002 жылы Б. Бейсенов атындағы ҚР ІІМ Қарағанды заң институтын құқықтану мамандығы бойынша бітірді. 1989 жылдан 1991 жылға дейін Қарулы Күштер қатарында қызмет етті. 1994 жылы Құқық қорғау органдарына қызметке қабылданды. Осы уақыттан 1997 жылға дейін Қарағанды облысы ІІБ жанындағы ҚАЖД КД-173/2 мекемесінің жасақ бастығы болды. Одан кейін 1997 жылдан 1999 жылға дейін ҚАЖКБ АК-159/22 мекемесі колония бастығының кезекші көмекшісі лауазымында қызмет атқарды. 2001 жылы Қарағанды облысы бойынша ҚАЖК қарамағына жіберілді. 2002 жылдан 2006 жылға дейін Қарағанды облысы бойынша ҚАЖКБ АК-159/22 мекемесінің арнайы есепке алу бөлімінің бастығы болып жұмыс істеді. 2006 жылдан 2010 жылға дейін ҚАЖКБ АК-159/22 мекемесі колония бастығының тәрбие жұмысы жөніндегі орынбасары болды. 2012 жылдан бастап 2017 жылға дейін Қарағанды облысы бойынша ҚАЖД АК-159/25 мекемесінің бастығы қызметін атқарды. Осы уақытқа дейін Қарағанды облысы бойынша ҚАЖД бастығының орынбасары қызметін атқарып келді.

ҚР Президенті әкімшілігінің келісімімен және ҚР ІІМ бұйрығымен ҚР ІІМ Қылмыстық-түзету жүйесінің Ақтөбе облыстық департаменті бастығы лауазымына Алмас Шамишев тағайындалды.

Ол 1979 жылы туған. Жоғары білімді. ҚР ІІМ Академиясының тыңдаушысы. Еңбек жолын ҚР Әділет министрлігінің Қылмыстық атқару жүйесі департаменті КА-168/2 мекемесінің жедел уәкілі жедел бөлімінің бастығы болып бастады. Әр жылдары ҚР ІІМ Қылмыстық-атқару жүйесі комитетінің жедел уәкілі, аса маңызды істер жөніндегі аға жедел уәкілі, жедел басқару бөлімінің бастығы, Астана қаласы бойынша қылмыстық атқару жүйесі комитеті басқармасының режім және қадағалау бөлімінің бастығы болды. 2019-2020 жылдары Қылмыстық атқару жүйесі комитетінің Ақтөбе облысы бойынша департаменті бастығының орынбасары қызметін атқарды.

ҚР Президенті Әкімшілігі және аудандық мәслихат депутаттарының келісімімен Жамбыл облысы Қордай ауданына әкім болып Рүстем Дәулет тағайындалды.

Рүстем Рысбайұлы 1974 жылы Жамбыл облысында туған. Білімі жоғары, 1996 жылы Жамбыл жоғары кәсіпкерлік мектебін «кәсіпкер-маркетолог», 2003 жылы Қазақстан Республикасы Президенті жанындағы Мемлекеттік басқару академиясын «Мемлекеттік басқару», 2010 жылы М.Х.Дулати атындағы Тараз мемлекеттік университетін «Құқықтану» мамандығы бойынша бітірген. Еңбек жолын 1994 жылы «Бостандық» акционерлік қоғамында қарапайы жұмысшы болып бастаған. Әр жылдары Талас ауданы Бостандық ауылдық округі әкімінің орынбасары, әкімі, Қаратау қаласы әкімінің орынбасары, Қазақстан Республикасы Парламенті Сенаты Аппаратының кеңесшісі, Қазақстан Республикасы Индустрия және сауда министрлігінің Сауда комитетінің басқарма бастығы, «ALIT» ЖШС бас директорының орынбасары, Қазақстан Республикасы Парламенті Сенаты төрағасы орынбасарының көмекшісі, Қазақстан Республикасы Парламенті Сенаты депутатының көмекшісі, Жамбыл ауданы әкімінің орынбасары, Жамбыл және Шу аудандарының әкімі, Тараз қаласының әкімі қызметтерін атқарған. 2018 жылдың сәуір айынан бастап Жамбыл облысы әкімінің кеңесшісі, 2019 жылғы сәуірден бастап Жамбыл облысы әкімі аппаратының басшысы қызметін атқарып келді.

«Ғылым қоры« АҚ төрағасының орынбасары лауазымына Бақытжан Саркеев бекітілді. Бұған дейін ол CSI стратегиялық бастамалар орталығы жобаларының директоры болып жұмыс істеген. Ол Қазақ ұлттық техникалық университетінің Қаратау филиалын «экономика және өндірістік басқару» мамандығы бойынша бітірген. ҚР Президенті жанындағы Қазақстанның менеджмент, экономика және болжау иниститутының магистратурасын аяқтаған. Мемлекеттік басқару магистрі (Master of Public Administration – MPA) дәрежесі бар.


Біздің каналымызға жазылыңыз:

Басты сөздер: Тағайындау, Қоғам,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT