Қазақстанда алтын өндірісінің көлемі артты

АСТАНА. ҚазАқпарат - 2018 жылдың қаңтар-қараша Қазақстанда өңделмеген және жартылай өңделген немесе ұнтақ түріндегі алтын өндірісінің көлемі 88 491 келіні құрады. Бұл өткен жылдың сәйкес кезеңімен салыстырғанда, 14,1 пайызға көп, деп хабарлайды ҚазАқпарат.

ҚР Ұлттық экономика министрлігі Статистика комитетінің дерегінше, есепті кезеңде өңделмеген және жартылай өңделген немесе ұнтақ түріндегі күміс өндірісінің көлемі 879 737 келі болды. Бұл өткен жылмен салыстырғанда 8,3 пайызға артық.