Қазақстанда 6 қыркүйекте өтетін маңызды шараларға шолу
Сағат 9:00-де Назарбаев Университетінде «Ұлы Жібек жолының бейнесі» атты шығармашылық көрме мен кинофестиваль өтеді.
Сағат 10:00-де Сенаттың кезекті отырысы болады.
Сағат 10:00-де Мәжілісте «Нұр Отан» партиясы фракциясының жиыны өтеді.
Сағат 10:00-де Қазақстанның барлық (17) өңірінің және Литваның командаларының қатысуымен жедел медициналық жәрдем бригадаларының III республикалық жарыстың салтанатты ашылуы басталады.
Сағат 10:50-де Ұлттық академиялық кітапханада «Қазақстандық қоғамды жаңғырту процесіндегі отбасының рөлі» тақырыбында дөңгелек үстел ұйымдастырылады.
Сағат 15:00-де ҚР Инвестициялар және даму министрлігінің Медиа-орталығында «Тұрғын үй-коммуналдық шаруашылық мәселелері жөніндегі Қазақстан Республикасының бірқатар заңнамалық актілеріне өзгерістер мен толықтырулар енгізу туралы» тақырыбына арналған баспасөз конференциясы басталады.
Сағат 15:50-де Мемлекеттік кірістер комитетінде «Жеңіл автокөліктер бойынша кеден заңнамасының талаптары» тақырыбында брифинг өткізіледі.
АЛМАТЫ
Сағат 11:30-да Алматы қаласының Аймақтық коммуникациялар қызметінде «Халықты аймақтың мемлекеттік даму бағдарламасына жұмылдыру құралы ретінде рөл атқаратын экономикалық бірлестіктер» тақырыбында баспасөз мәслихаты басталады.