Қазақстанда 50 млрд тонна пайдалы минералдар бар
«Үкімет алдында шикізат индустриясын ұйымдастыру және оны пайдалану бағдарын қайта ойластыру, табиғи ресурстарды басқару, үздік технологиялардың трансферті мен заңнаманы жетілдіру есебінен өндірісті жаңарту міндеті тұр», - деді Роман Скляр Х халықаралық тау-металлургиялық «Astana Mining & Metallurgy» конгресі кезінде.
Оның айтуына қарағанда, ресурстық және энергияны тиімді пайдалану саясатын жалғастыру керек.
«Қатты пайдалы қазбаларды болашақ ұрпаққа қалдыру мақсатында жұмыс жүргізілуде. Ол үшін энергияны барынша аз пайдалану арқылы пайдалы қазбаларға толыққанды мониториг жүргізу бойынша жаңа технологияларды қолдану керек», - деді министр.
Ведомство басшысы сонымен бірге елімізде жинақталған ресурстар туралы сөз қозғады.
«Бүгінгі күні тау-кен кәсіпорындарында пайдалы компоненттері жоғары 50 млрд тонна техногенді минералды жиынтық бар. Оны қайта өңдеуде кәсіпорындар технологияны барынша пайдалануы керек. Қайта өңдеу саласын жігерлендіру мақсатында әлемдік үздік тәжірибелерге сүйене отырып, заңнама жетілдірілді. Қоршаған ортаны қорғау - өнеркәсіптік экономиканы дамытуда маңызды фактор. Ол үшін қазіргі таңда Қазақстанда экономикалық өсім мен жасыл экономиканы ұштастыра білу керек», - деді Роман Скляр.
