Қазақстанда 3 желтоқсанда өтетін маңызды шараларға шолу

АСТАНА. ҚазАқпарат - «ҚазАқпарат» Халықаралық ақпарат агенттігі елімізде 3 желтоқсан күні өтетін маңызды шараларға шолуды ұсынады.

АСТАНА

Сағат 12.00-де  ҚР Білім және ғылым министрлігі мен «Кәсіпқор» холдингінің» ұйымдастыруымен WorldSkills Kazakhstan Ұлттық чемпионатының ресми ашылуы болады.

16.00-де Мега Silk Way сауда, ойын-сауық орталығында «Код сағаты» атты жыл сайынғы ашық сабақ өтеді

 АЛМАТЫ

Сағат 11.00-де «Қазақстанның тең құқықтар және тең мүмкіндіктер институты» қоғамдық қоры «Қазақстанның діни конфессияларында қыз балалардың, бойжеткендер мен әйелдердің мәртебесі» тақырыбындағы гендерлік зерттеудің нәтижелері бойынша баспасөз мәслихатын өткізеді. Зерттеу жұмыстары Қазақстандағы Ф.Эберт атындағы қордың қолдауымен өткізілді. Іс-шара Адам құқықтары жөніндегі баршаға ортақ декларацияның қабылданғанына 70 жыл толуына орай өткізілуде.