Қазақстанда 27 мамыр күні өтетін маңызды шараларға шолу
АСТАНА
Сағат 9.30-да Park Inn Hotel Astana қонақүйінде «Зерттеу және консалтинг орталығы» ЖШС-нің ұйымдастыруымен «Нұр-Сұлтан қаласын 2050 жылға дейінгі дамытудың демографиялық трендтері» тақырыбында дөңгелек үстел өтеді.
Сағат 13.00-де Sputnik Қазақстан мультимедиалық баспасөз орталығында қазақ-эстон қатынастарын дамыту тақырыбына арналған бейнекөпір форматында баспасөз мәслихаты басталады.
Сағат 15.00-де Hilton Garden Inn Astana қонақүйінде «Шағын және орта бизнестің дамуы - Президенттің басты назарында» атты бірінші республикалық конференция ұйымдастырылады.
Сағат 15.00-де Қазақ ұлттық өнер университетінде Қазақстанның үздік жоғары оқу орындарына ұлттық рейтинг қорытындысы бойынша сертификаттар табыс ету рәсімі өтеді.
АЛМАТЫ
Сағат 10.00-де Қазақ онкология және радиология ғылыми зерттеу иснтитутында «Обырды ерте диагностикалаудың заманауи мүмкіндіктері» тақырыбында баспасөз-тур басталады.