Қазақстанда 21 наурызда өтетін маңызды шараларға шолу
АСТАНА
Сағат 09.00-де «Сарыарқа» велотрегінде Жастар жылына арналған мерекелік велошеру басталады.
Сағат 11.00-де Наурыз мейрамына орай ЭКСПО аумағында мерекелік шара басталады.
Сағат 12.00-де «Астана Опера» ашық театр алаңында «Наурыз» жаңа форматта мерекеленеді.
Сағат 15.00-де Астана қаласындағы Достық үйінің алдындағы алаңда (24/9 Бауыржан Момышұлы көшесі, 24/9) Қазақстан халқы Ассамблеясының «Жаңғыру жолы» Республикалық жастар қозғалысының белсенділері «Наурыз - Бірлік - Елбасы» флешмобын өткізеді.
Сағат 14.00-де Астанада «Дәулет» спорт кешенінде Наурыз мерекесіне орай «Өнер барысы» атты қазақ күресінен республикалық турнир өтеді.
Сағат 18.00-де «Қазақстан» Орталық концерт залында итальяндық дизайн күні өтеді.
Сағат 21.00-де «Астана - Арена» стадионында Қазақстан мен Шотландияның ұлттық құрамалары арасында матч өтеді.
АЛМАТЫ
Сағат 10.00-де «Наурыз мейрамы» қалада кең ауқымда аталып өтеді. 2000 адам қазақ эпосы, аңыздары мен ертегілерінің костюмдерін киіп, Алматы қаласының басты көшелерінен: Абай және Абылай хан даңғылдарынан Қабанбай батыр көшесіне дейін өтіп, Абай атындағы Мемлекеттік академиялық опера және балет театрына барады.
Сағат 11.00-де Жібек Жолы көшесінде «Болашақ» атты бұқаралық серуен өтеді.
Сағат 16.30-да Ықылас атындағы Ұлттық музыкалық аспаптар мұражайында Әзербайжан, Ресей, Түркия, Эстония, Испания, Ұлыбритания, Германия және Жапониядан келген қонақтар - тарихшылар, мәдениет қайраткерлерінің қатысуымен «Азия орталығында Наурыз» халықаралық форумы өтеді.